Foto: depositphotos.com
«Aqyldy» kameralar tek bolyp jatqan jaǵdaıdy tirkep qana qoımaı, qylmystardyń aldyn alýǵa jáne olardy naqty ýaqyt rejıminde ashýǵa kómektesedi. Jedel basqarý ortalyǵynda polısııa qyzmetkerleri ahýaldy onlaın baqylap otyr. Júıege 7 myńnan astam beınebaqylaý kamerasy qosylǵan. О́tken jyly júıe kúsheıtilip, JI elementteri bar 300 «aqyldy» keshen ornatyldy.
Kameralar bet-álpetti jáne avtokólik nómirlerin tanıdy, jol qozǵalysy erejeleriniń buzylýyn, tipti belgilenbegen jerge qoqys tastaý sııaqty usaq quqyqbuzýshylyqtardy da tirkeıdi. Mundaı áreketter úshin aıyppul qarastyrylǵan.
Qosshyda jasandy ıntellektisi bar 1,5 myń kamera iske qosyldy
Júıe qatty turmystyq qaldyqtar jınalatyn orynnyń aınalasyn baqylaýǵa alady. Eger azamat qoqysty konteınerge emes, janyna tastasa, júıe avtomatty túrde sıgnal beredi.
Osyndaı jedel basqarý ortalyqtary oblystyń 8 aýdanynda jumys istep tur. Bıyl taǵy 4 aýdan ortalyǵynda ashý josparlanǵan.
24.kz-tiń habarlaýynsha, jedel basqarý ortalyǵy kameralardyń kómegimen 115 qylmystyń betin ashty, onyń ekeýi – aýyr qylmystar. Sonymen qatar 23 myń ákimshilik quqyqbuzýshylyq anyqtaldy. Tehnologııalyq jańǵyrtý tek stasıonarlyq kameralarmen shektelmedi. Polısııa qyzmetkerleri avtomatty tirkeýdiń mobıldi keshenderimen qamtamasyz etilip, 800 beınejeton jańartyldy. Olar izdeýde júrgen adamdardy da bet-álpeti arqyly tanı alady.
