Quqyq qorǵaý organdarynyń málimetinshe, kúdiktiler adam óltirý, qorqytyp aqsha talap etý, esirtki men qarýdy zańsyz saqtaý derekteri boıynsha ustalǵan. Ustalǵandar qatarynda Qazaqstanda da, basqa elderde de izdeýde júrgen tulǵalar bolǵan. Arnaıy operasııalar eldiń ár óńirinde júrgizilgen.
Tergeý kezinde 30 birlik atys qarýy men 11 travmatıkalyq qarý tárkilendi. Sonymen qatar qylmystyq jolmen alynǵan aqsha qarajaty da alyndy. Qazir barlyq derek boıynsha sotqa deıingi tergeý amaldary júrip jatyr.
Osyǵan baılanysty Ulttyq qaýipsizdik komıteti baspasóz qyzmeti keń kólemdi túsinikteme berdi. Onda bylaı delingen:
«Ulttyq qaýipsizdik organdary 2025 jyly eldegi aýyr qylmystardyń aldyn alý maqsatynda júıeli jumys júrgizdi. Qylmystyq toptardyń áreketi erte kezeńde áshkerelendi. Kúdiktilerdiń barlyǵy derlik uıymdasqan túrde áreket etken. Olar qoǵamǵa naqty qaýip tóndirdi. Tergeý barysynda qarý saqtalǵan oryndar anyqtaldy. Zańsyz aınalymdaǵy esirtki men qarý tárkilendi. Qazir sotqa deıingi tergeý tolyq kólemde júrgizilip jatyr. Árbir fakt zań aıasynda jan jaqty qaralady».
Quzyrly organdar bul jumystyń basty maqsaty qoǵam qaýipsizdigin saqtaý ekenin atap ótti. Zańǵa qaıshy áreket etken kez kelgen top pen tulǵa jaýapsyz qalmaıtyny eskertildi.
