Foto: islam.kz
Elimizde bilim alýdy kóbine Úndistan, Túrikmenstan, О́zbekstan, Qytaı jáne Reseı azamattary tańdaıdy.
24.kz málimetinshe, olardy elimizdegi oqý aqysynyń qoljetimdiligi men halyqaralyq baǵdarlamalardyń bolýy, dıplomdardyń moıyndalýy qyzyqtyrady.
Sheteldik stýdentter medısına, pedagogıka, bıznes pen quqyq, ınjenerııa jáne IT salalary boıynsha otandyq JOO dıplomyn alýda negizinen ulttyq ýnıversıtetterdi tańdap otyr. Bul Qazaqstannyń Ońtústik jáne Ortalyq Azııa elderi úshin kadr daıarlaýdyń mańyzdy ortalyǵyna aınalyp kele jatqanyn, sondaı-aq bilim berý qyzmetterin eksporttaýdaǵy kóshbasshylyq ornyn nyǵaıtyp otyrǵanyn kórsetedi.
Elimizde qansha sheteldik stýdent bilim alyp júr?
«Bizdiń joǵary oqý oryndary bilim berý baǵdarlamalaryn ulttyq jáne halyqaralyq akkredıtteý agenttikterinde akkredıtteýden ótkizip jatyr. 2010 jyly Qazaqstan Bolon deklarasııasyna qol qoıyp, búginde 47 eýropalyq eldi biriktiretin Eýropalyq joǵary bilim keńistiginiń tolyqqandy múshesine aınaldy. Bul akkredıtteý agenttikteriniń halyqaralyq deńgeıde tanylýy tıis ekenin bildiredi. Qazirgi tańda elimizde 13 akkredıtteý agenttigi bar, olardyń barlyǵy eýropalyq tizilimge engizilgen. Sonymen qatar, Qazaqstan Ortalyq Azııadaǵy Eýropalyq joǵary bilim keńistiginiń jalǵyz tolyqqandy múshesi bolyp tabylady», dedi Ǵylym jáne joǵarǵy bilim mınıstrligi Joǵary bilimdi damytý ulttyq ortalyǵynyń dırektory Álibek Mádibekov.
Joǵary bilimdi damytý ulttyq ortalyǵy dırektorynyń aıtýynsha, mınıstrlik budan bólek, Tokıo konvensııasyn ratıfıkasııalaý boıynsha aýqymdy úderisterdi qolǵa alǵan. Bul Azııa men Tynyq muhıty aımaǵynda bilim berý salasynda jańa naryqtarǵa jol ashady.
2029 jylǵa deıin sheteldik talapkerlerge arnalǵan birtutas onlaın-portal ázirlenedi. Onda úmitkerler «bir tereze» qaǵıdaty boıynsha joǵary oqý oryndary týraly aqparat alyp, qujat tapsyryp, ótinimderdi rásimdep, shaqyrý hattaryn, oferlerdi jáne vızalardy sıfrlyq formatta ala alady. Mınıstrliktiń bul barlyq rásimdi edáýir jeńildetýge múmkindik beretinin málimdedi.
Buǵan deıin Almatyda qansha sheteldik stýdent bilim alyp júrgenin habarlaǵanbyz.
