Foto: Depositphotos.com
Oqıǵa 2024 jyly bolǵan. Balanyń anasynyń aıtýynsha, 8 jasar uly oıyn barysynda batýttan sekirip, aýasy shyǵyp ketken matrasqa qonǵan.
Bala synyq jaraqattarymen aýrýhanaǵa jetkizilgen. Bir aptadan keıin oǵan ota jasalǵanymen, balanyń jaǵdaıy nasharlap, 7 kún reanımasııada jatqan soń komaǵa túsken.
Anasynyń talap-aryzy boıynsha, onyń ulynyń súıek býynyna temir shtıft bekitilgen. Aýrýhanadan shyqqannan keıin 2 aı ótken soń aýyrsyný kúsheıgen. Taǵy bir ota jasalǵan, biraq ol qaıtadan jambasy aýyratynyn aıtqan. Balasyn Astanaǵa alyp barǵan. Anyqtalǵandaı, shtıft bulshyqetterdi jyrtyp, syrtqa shyǵyp ketken eken. Dárigerler ony alyp tastap, Ilızarov apparatyn ornatqan. 2025 jyldyń qańtar aıynda balaǵa úshinshi toptaǵy múgedektik berilgen.
Birinshi satydaǵy sot batýt parkin 2 mıllıon teńge kóleminde moraldyq ótemaqy tóleýge mindettegen. Alaıda áıel bul sheshimge apellıasııalyq shaǵym túsirdi. Sot alqasy batýt parki basshylyǵy sekirý kezinde qaýipsiz qoný jaǵdaıyn qamtamasyz etpegenin rastady. Nátıjesinde mekeme jábirlenýshi tarapqa 7 mıllıon teńge tóleýge mindetteldi.
Oqıǵadan keıin polısııa «Qaýipsizdik talaptaryna saı kelmeıtin jumystardy oryndaý» baby boıynsha qylmystyq is qozǵaǵan. Alaıda qylmys belgileriniń bolmaýyna baılanysty is jabyldy. Tergeý barysynda balanyń abaısyzda qulaǵany nemese qoný kezinde erejelerdi buzýy múmkin degen qorytyndyǵa kelgen.
