Foto: Depositphotos.com
Kabınette densaýlyq saqtaý júıesin sıfrlyq transformasııalaý máseleleri talqylandy. Qazirgi ýaqytta «Áleýmettik ámııan» jobasy aıasynda el turǵyndary ambýlatorııalyq dári-dármekpen qamtamasyz etý sheńberinde kepildendirilgen dári-dármek paketin ala alady. Bıyl bul servıs jeke dárihanalarda qosymsha tólem mehanızmi arqyly qoljetimdi bolady.
Sonymen qatar, otandastarymyzǵa medısınalyq qyzmetterge vaýcherler berile bastaıdy.
«Dári-dármekti berý júıesine qosymsha medısınalyq qyzmetterge vaýcher alý múmkindigi qarastyrylyp otyr, bul medısınalyq kómek alý prosesin azamattar úshin odan ári ashyq ári yńǵaıly etedi», delingen habarlamada.
Salany sıfrlandyrý kezeń-kezeńimen júrgiziledi. Negizgi maqsat – el turǵyndaryna naqty tıimdilik kórsetý jáne dárigerlerdiń júktemesin azaıtý.
Sonymen qatar, bıyl «Áleýmettik ámııan» jobasy memlekettik qoldaý sharalarynyń taǵy 10 túrine keńeıtiletini belgili boldy.
