Sporttyq koýchıngke arnalǵan baǵdarlama

Baǵdarlama sportshylar men áýesqoı paıdalanýshylardyń qozǵalys tehnıkasyn avtomatty túrde taldap, jeke fızıkalyq kórsetkishterine sáıkes jattyǵý túr­le­rin qalyptastyrýǵa múmkindik beredi. Jasandy ıntellekt al­go­rıtmderi arqyly qoz­ǵalystaǵy qatelikter anyq­ta­lyp, jattyǵý barysynda tıimdiligi artady. Jobanyń ǵy­lymı jetekshisi – ınformatıka jáne aqparattyq tehnologııalar kafed­ra­synyń dosenti, PhD Ádiljan Kereev. Onyń aıtýynsha, bul joba ǵylym men praktıkanyń toǵysqan naqty nátıjesi.

«Jasandy ıntellekt negizindegi bul baǵdar­lama sporttaǵy jeke daıyn­dyqty jańa deńgeıge kó­te­rý­ge múmkindik beredi. Eń ma­ńyzdysy – stýdentter naqty óndiristik tapsyrmalardy sheshý arqyly zamanaýı tehnologııa­lardy tájirıbede meńgerip jatyr. Jobany ázirleý barysynda ǵylymı-ádistemelik qoldaý kórsetip otyrǵan maman – ýnıversıtette kóp jyldar boıy dene shynyqtyrý páninen sabaq bergen, pedagogıka ǵylymdarynyń kandıdaty, dosent Seıitkereı Muhtarov. Onyń kásibı tájirıbesi men sport salasyndaǵy ǵylymı bilimi jobanyń fızıologııalyq, ádistemelik talaptarǵa saı oryndalýyna zor yqpal etedi», deıdi joba jetekshisi.

Jobany iske asyrýǵa «Esepteý tehnıkasy jáne baǵdarlamalyq qamtamasyz etý» bilim berý baǵdarlamasynyń stý­dentteri Erlan Aımu­qanov pen Kırıll Pılı­penko da joba aıasynda jumys istep jatqanyn bildik. Oryndaýshy Erlan Aımuqanovtyń aıtýynsha, baǵdarlama kompıýterlik kórý tehnologııasy arqyly adamnyń qozǵalysyn dál sol sátte tanýǵa negizdelgen. «Bul joba bizge mashınalyq oqytý men derekterdi taldaý ádisterin praktıkada qoldanýǵa múmkindik berdi. Jasandy ıntellekt jattyǵý sapasyn arttyrýǵa naqty úles qosa alady», deıdi ol.

Memleket basshysy Qasym-Jomart Toqaev jasandy ıntel­lek­tini ǵylym men ınnovasııany da­my­týdyń negizgi tetigi retinde atap ótkeni málim. Prezıdenttiń aıtýynsha, jasandy ıntellekt salasyn­da­ǵy ǵy­lymı zertteýler men kadr daıarlaý – el damýynyń strategııalyq baǵyty. Osy turǵydan alǵanda, Q.Jubanov atyn­da­ǵy Aqtóbe óńirlik ýnıversıtetinde júzege asyrylyp jatqan bul joba elimizdegi qoldanbaly jasandy ıntellekt zertteýlerin damytýǵa jáne jas ǵalymdar men stýdentterdiń ǵylymı áleýetin arttyrýǵa baǵyttalǵan mańyzdy bastamalardyń biri bolmaq.

Jobaǵa qatysýshylardyń aıtýynsha, ázirlenip jatqan jobanyń múmkindigi kóp. Atap aıtqanda, júıe jattyǵýlar sanyn avtomatty túrde esepteıdi. So­nymen qatar  qozǵalys tehnıkasyndaǵy qatelikterdi anyqtaıdy. Tipti paıda­lanýshynyń daıyndyq deńgeıine qaraı jeke usynystar bere alady. Sondaı-aq jaraqat alý qaýpin tómendetip, jattyǵý tıimdiligi men qaýipsizdigin arttyrady. Aldaǵy ýaqytta bul tehnologııa­ny sport zaldarynda, bilim berý meke­me­lerinde jáne úı jaǵdaıyndaǵy jattyǵýlarǵa beıimdeý josparlanyp otyr. Sonymen qatar joba otandyq sporttyq jabdyqtardy sıfrlandyrýǵa jáne ıntellektýaldy trenajerlerdi damytýǵa baǵyttalǵan. Mundaı jobalar óńirlik ǵylymnyń áleýetin arttyryp, jas­tardy ınnovasııalyq qyzmetke tartýǵa jáne Qazaqstanda joǵary tehnologııaly otandyq ónimder úlesin kóbeıtýge múmkindik beredi.