Sýretti túsirgen – Erlan OMAR, «EQ»
Beıbit zamanda álimjettik sekildi teris úrdis bolmaýǵa tıis ekenin tilge tıek etken Prezıdent qorǵanys salasyna jaýapty mekemeniń basshylyǵyn tárbıe jumysyn durys qadaǵalamaı otyrǵany úshin synǵa alǵanyn jetkizdi. Áskerde buzaqylyqqa, rýshyldyqqa, jershildikke oryn joq ekenin, ondaı jaıttarǵa jol berilmeıtinin aıtty. Sonymen qatar tekserý jumystary áskerdegi tártip qatań saqtalatynyn kórsetkenin, tanymaldyqqa umtylǵan keıbir blogerler áskerdegi shynaıy ahýalǵa múldem janaspaıtyn sóz taratyp júrgenin de jasyrmady. Olar armııany sarbazdar kún saıyn derlik qylmyskerlerdiń qurbanyna aınalyp, qaza tabatyn jer retinde kórsetkisi keletinin synǵa aldy.
«Armııada temirdeı tártip bolýǵa tıis. Sarbazdar ant bergende aıtatyn «Áskerı qyzmettiń aýyrtpalyqtary men qıynshylyqtaryn tabandylyqpen kóteremin» degen sózden áskerı ómirdiń qatańdyǵyn aıqyn ańǵarýǵa bolady. Áskerı qyzmettiń abyroı-bedelin kóterý jáne elimizdiń qorǵanys qabiletin arttyrý – memlekettiń basty basymdyǵynyń biri» degen Memleket basshysy Qarýly kúshterimizdi tehnologııalyq turǵydan jańǵyrtý jumysy qarqyndy júrgizile bastaǵanyna da toqtalyp ótti. Byltyrǵy áskerı sherý armııamyzdyń zamanaýı qarý-jaraqpen jáne tehnıkamen, sonyń ishinde óz elimizde jasalǵan ónimdermen tolyq jabdyqtalǵanyn, sondaı-aq áskerı qyzmetshilerimizdiń daıyndyǵy joǵary deńgeıde ekenin aıqyn kórsetkenin jetkizdi.
«Prezıdenttiń «Turkistan» gazetine bergen suhbaty armııanyń memlekettiń qorǵanysyn qamtamasyz etetin ınstıtýt qana emes, mańyzdy áleýmettik ári tárbıe tetigi ekenin taǵy bir márte aıqyndap berdi. Áskerı qyzmetshiler úshin bul jaı ǵana abstraktili sózder emes, bul – olardyń kúndelikti qyzmeti», deıdi Qorǵanys mınıstriniń kómekshisi Aıgúl Tólembaeva.
Áskerı salanyń bedelin kóterý týraly pikirge oı qosqan ol 2025 jyly áskerı qyzmetshilerdi áleýmettik qoldaý júıesinde oryn alǵan ózgerister shyn máninde aıqyn kórinis tapqanyn aıtady. Ofıserlerdiń de, qatardaǵy jaýyngerler men serjanttyq quramnyń da laýazymdyq jalaqylaryn kóterý – jaı ǵana sannyń artýy emes, olardyń moınyna artylǵan jaýapkershiliktiń memleket tarapynan moıyndalýy ekenin jetkizdi. Sondaı-aq ol dalalyq qyzmet úshin tólemderdiń qalpyna keltirilýi de aıryqsha mańyzdy bolǵanyn, óıtkeni dalalyq jaǵdaıda, oqý-jattyǵýda jáne teńiz joryqtarynda qyzmet ótkerý áskerı eńbektiń eń kúrdeli formasy ekenin eske saldy.
«Degenmen armııa degenimiz – tek materıaldyq yntalandyrýdan turmaıtyny belgili. Ol eń birinshiden sarbazdy tárbıeleıdi. Minezdi, tártipti, paryz ben jaýapkershilik sezimderin qalyptastyrady. Bul jerde komandırdiń orny erekshe. Ol sózben tárbıelep qana qoımaı, ispen de úlgi bolýǵa tıis. Sarbaz komandırdiń óz qyzmetine, qaramaǵyndaǵy ujymǵa, qıyndyqtarǵa qalaı qaraıtynyn kóredi. Sol sebepti de Prezıdenttiń armııadaǵy adam kapıtalynyń mańyzy týraly sózi áskerı ortada qyzý qoldaý tapty», deıdi ol.
Sonymen qatar A.Tólembaeva áskerı qyzmetshiler úshin jasalyp jatqan jeńildikter, atap aıtqanda, turǵyn-úı baǵdarlamasynyń damýy, merzimdi áskerı qyzmet sarbazdaryn qoldaý jaıynda pikirin bildirdi. Onyń aıtýynsha, «Otbasy bank» arqyly arnaıy ıpotekalyq ónimderdiń iske qosylýy áskerı qyzmetshiler úshin shynaıy áleýmettik ósýdiń tetigine aınalǵan.
«Baspana alý múmkindigi – otbasy turaqtylyǵynyń negizi ári áskerı qyzmetshige kórsetilgen anyq qoldaý. Sarbazdar men ofıserler óz jaqyndarynyń erteńi jarqyn ekenine senimdi bolǵanda ǵana armııanyń kúsh-qýaty artady. Al merzimdi áskerı qyzmet ótkeretin jastarǵa arnalǵan «Merzim 2.0» jobasyna kelsek, ol armııada Otan aldyndaǵy boryshyńdy óteý – joǵary bilim alý men bolashaq kásibı órleý jolynyń bastaýyndaǵy alǵashqy baspaldaq bola alatynyn kórsetti. Granttardyń ashyq iriktelýi sarbazdar úshin áskerdegi tártip, fızıkalyq jáne jaýyngerlik daıyndyq olardyń bolashaǵyna tikeleı yqpal etetini týraly túsinik qalyptastyrdy. Bul – qýatty tárbıe quraly», deıdi ol.
Qorǵanys mınıstriniń kómekshisi áskerı qyzmettiń ózi qıyndyqtardan turatynyn, jas jigitter sonyń bárin jeńe bilgende ǵana naǵyz jaýyngerge aınalatynyn jasyrmady. Búginde memleket tarapynan jasalyp jatqan jan-jaqty jaǵdaıdyń arqasynda bul qıyndyqtar jón-josyqsyz aýyrtpashylyq emes, jeke tulǵa retinde ósip-damýdyń múmkindigi ekenin kórsetip otyrǵanyn jetkizdi.
«Prezıdent suhbatynan baıqaǵanymyzdaı, biz qýatty, kásibı ári áleýmettik jaǵynan qorǵalǵan armııa qurýǵa baǵyt aldyq. Bul bizge bir nárseni uqtyrady: armııa memlekettiń táýelsizdigi men qorǵanys qabiletiniń kepili, sondaı-aq mańyzdy áleýmettik ósim tetigi ári azamat retinde kemeldený mektebi ekenin túsine otyryp, adal qyzmet etýge, ózimizge de, ózgelerge de talapshyl bolýǵa sert etýimiz kerek», dep sózin túıindedi.
Biz Prezıdent kótergen máseleler tóńireginde «QR Qarýly kúshteriniń ardagerleri» RQB tóraǵasy, Halyq qaharmany, armııa generaly Muhtar Altynbaevtyń da pikirin bilgen edik. Onyń aıtýynsha, Memleket basshysy suhbatynda elimizdiń Qarýly kúshterindegi jaǵdaıǵa ádil baǵa bergen. Ásirese áskerı qyzmettiń aýyrtpalyqtary men qıyndyqtaryn kótere bilý týraly jastarǵa qulaqqaǵys etýi kópshilikke oı salǵanyn jetkizdi.
«Árbir oblys ortalyǵynan elimizdiń bolashaq patrıottaryn daıyndaıtyn mamandandyrylǵan arnaıy áskerı mektepter ashý týraly Prezıdent tapsyrmasyn biz erekshe qýanyshpen qarsy aldyq. Onda negizinen áleýmettik jaǵynan osal toptaǵy otbasylardan shyqqan balalar oqymaq. Bul – sóz joq, jaqsy bastama. Osynaý ıgilikti iske Qarýly kúshterdiń ardagerleri de belsene aralasyp, óskeleń urpaqqa oń baǵyt-baǵdar beredi», degen Halyq qaharmany ardagerler áskerı bólimderge barǵanda ózderiniń ómirlik baı, kásibı tájirıbelerimen bólisip, jas komandırlerge is júzinde de kómek kórsetip turatynyna toqtaldy.
M.Altynbaevtyń aıtýynsha, qurylǵanyna 15 jyldan asqan respýblıkalyq qoǵamdyq birlestiktiń fılıaldary elimizdiń barlyq óńirinde jumys isteıdi. Atap aıtqanda, 17 aımaqtyq jáne Astana, Almaty jáne Shymkent qalalyq fılıaldary bar.
«Qazirgi tańda áskerı zeınetkerlerdiń kóbi áli de – memlekettik qyzmette. Sonymen qatar birqatary – aýdandardyń, oblystardyń qurmetti azamattary. Aımaqtyq fılıaldardyń tóraǵalary el damýyn aıqyndaıtyn strategııalyq qujattar men Memleket basshysynyń Joldaýlary boıynsha áskerı qyzmetshiler men áskerge shaqyrylýshy jastar arasynda áskerı-patrıottyq jáne aqparattyq-túsindirý jumystaryn turaqty túrde júrgizip keledi. О́ńirdegi ókilder oblystyq, qalalyq, aýdandyq áskerge shaqyrý komıssııalarynyń jumysyna tikeleı qatysyp, elimizdiń qorǵanys qabiletin nyǵaıtýǵa óz úlesterin qosyp jatyr», dedi ol.
Halyq qaharmany sondaı-aq Qarýly kúshterdiń ardagerleri osy saladaǵy qordalanǵan máselelerdi sheshýge qoldaý kórsetip, patrıottyq tárbıeniń pármendiligin arttyrýǵa, elimizdiń qorǵanys qabiletin nyǵaıtý baǵytynda jumys isteýge árqashan daıyn ekenin eske saldy.
Memleket tarapynan ásker salasynyń damýy men Qarýly kúshterimizdiń nyǵaıýyna aıryqsha kóńil bólinip otyrǵanyn qazirgi kúnderi depýtattardyń óńirlerge jasap jatqan saparlarynan da aıqyn baıqaýǵa bolady. Máselen, ótken jyldyń sońǵy kúni senator Qaraǵandy oblysyna jasaǵan sapary barysynda eldiń qorǵanys qabiletin nyǵaıtý baǵytynda jumys istep jatqan «Steel Manufacturing» JShS patron zaýytynyń qyzmetimen tanysyp, kásiporynnyń óndiristik tehnologııalyq sıkli men eksporttyq áleýetin zerdelegen edi. О́z óndirisimizdegi joǵary tehnologııalyq oq-dári shyǵarý ulttyq qaýipsizdikti qamtamasyz etýdiń jáne qorǵanys salasynyń ornyqtylyǵyn arttyrýdyń mańyzdy elementi ekenin atap ótti. «Zań shyǵarýshylardyń mindeti – memlekettik qorǵanys tapsyrysynyń turaqty oryndalýyna qajetti jaǵdaı jasaý jáne otandyq óndirýshilerdi qoldaý. Bul ónerkásiptik áleýetti nyǵaıtyp, ulttyq múddelerdi senimdi qorǵaýdy qamtamasyz etýge múmkindik beredi», dep atap ótti depýtat zaýyt ujymymen kezdesýde.
Sapar qorytyndysy boıynsha áýe bazasynyń ulttyq qaýipsizdik júıesi úshin strategııalyq mańyzyn atap ótip, Parlamenttiń avıasııalyq parkti jańartýǵa jáne áskerı daıarlyq salasynda sıfrlyq sheshimderdi damytýǵa baǵyttalǵan bastamalardy zańnamalyq turǵyda qoldaýdy jalǵastyratynyn jetkizdi.
