Tikeleı suhbattastyqtyń paıdasy

Senator Janna Asanova Almatyda Qazaq ulttyq qyzdar pedagogıkalyq ýnıversıtetiniń professor-oqytýshylar qu­ra­mymen kezdesti. Jıyn barysynda ınklıýzıvti bilim berý ortasyn damytý, oqý-aǵartý men áleýmettik qoldaý salasyndaǵy memlekettik saıasatty júzege asyrý, sondaı-aq erekshe bilim berý qajettiligi bar adamdarmen qosa azamattardyń barlyq sanatyna qoljetimdi ári teń ortany qalyptastyrý máseleleri talqylandy.

Senat depýtattary Rýslan Rústemov pen Naýryzbaı Baı­qadamovtyń Qyzylorda oblysyna jumys saparynyń bas­ty taqyryby zańnamalyq sheshim­derdi júzege asyrý máseleleri, olardyń adamdardyń ómiri men mem­lekettik ınstıtýttardyń ju­mysyna naqty áseri boldy. Pre­zıdent qabyldanatyn sheshim­der men reformalar aza­mat­tardyń ómirine naqty ári aı­qyn áser etýi kerektigine nazar aýdar­ǵany málim. Osyǵan baı­lanys­ty senatorlar sý qaýip­siz­digi­nen bastap, densaýlyq saqtaý jáne áleýmettik ınfra­qurylym­ǵa deıingi negizgi salalarda qabyl­danǵan zańdardyń qalaı iske asyrylyp jatqanyn talqylady.

Senator Bıbigúl Jeksen­baı­dyń «Astana bas jospary» ǵylymı-zertteý jobalaý ıns­tıtýtynyń ujymymen kez­de­sýiniń negizgi taqyryby – elor­danyń qala qurylysy saıasatyn ǵylymı-ádistemelik turǵyda súıemeldeı otyryp, ony azamattar úshin jaıly, qaýipsiz ári ómir súrý sapasy joǵary zamanaýı astana retinde damytý máseleleri bol­dy. Dıalog barysynda tal­qy­lanǵan tásilder Memleket bas­shy­synyń jýyrdaǵy suhbatyn­daǵy azamattardyń ómir súrý sapasyn arttyrýǵa jáne mem­lekettik saıasatty uzaqmerzimdi nátıjege baǵyttaýǵa basa nazar aýdarylǵan negizgi oılarymen tolyq sáıkes keletini aıtyldy.

Kezdesýde elorda aýmaǵyn kezeń-kezeńimen damytý máse­leleri talqylandy. Ásirese qala­nyń sáýlettik kelbetin dızaın-kod talaptaryna saı qalyp­­tastyrýǵa, mádenı-dema­lys nysandary men turǵyn úı salýǵa, áleýmettik ınfraqu­ry­lymdy damytýǵa, ekologııalyq tepe-teńdikti saqtaýǵa jáne kólik júıesin jańǵyrtýǵa aıryqsha nazar aýdaryldy.

Depýtat Serik Shaıdarovtyń Ulytaý oblysynyń Jańaarqa aýdanyna jumys sapary barysynda óńirlerdi turaq­ty damytý, kásipkerlikti qoldaý jáne áleýmettik ınfra­qury­lymnyń jaǵdaıy basty nazarǵa alyndy. Memleket basshysy jýyrdaǵy suhbatynda óńirlerdi damytý turǵyndardyń naqty suranystaryna súıenýi kerek­tigine, al qabyldanatyn sheshim­der is júzindegi áleýmet­tik-ekonomıkalyq nátıje berýge tıis ekenine nazar aýdarǵany belgili. Osyǵan baılanysty jergi­likti ózin-ózi basqarý organ­dary­nyń ókilderimen tikeleı dıalog ornatýdyń mańyzy zor ekeni aıtyldy.

Senator aýdandyq máslıhat depýtattarymen jáne Qoǵamdyq keńes múshelerimen kezdesý aıasynda Parlamenttiń zań shyǵarý qyzmetiniń basymdyqtary, qara­lyp jatqan zańnamalyq basta­malar jáne aýmaqtardyń teń­gerim­di damýyn qamtamasyz etýge baǵyt­talǵan memlekettik saıasat tetikteri týraly aqparat berdi.

Kezdesýge qatysýshylar aýdan úshin ózekti áleýmettik-ekono­mıkalyq máselelerdi aıqyn­dady. Atap aıtqanda, kásip­kerlikti qoldaý sharalaryn jetildirý, agroónerkásiptik keshendi damytý, bilim sapasyn arttyrý, sondaı-aq turǵyn úı qurylysy men ınjenerlik ınfraqurylymdy jańǵyrtý boıynsha usynystar áńgime arqaýyna aınaldy.

Keıingi kúnderi Senat depýtattary ózge de óńirlerge at basyn buryp, jergilikti jaǵdaı­men tanysyp jatyr. Atap aıtqanda, Nurlan Beknazarov pen Aıgúl Qapbarova Shymkent qalasynda, Marat Qojaev Ekibastuz qalasynda, Shákárim Buqtuǵutov Shyǵys Qazaqstan oblysynda, Súıindik Aldashev pen Bekbol Orynbasarov Mańǵystaý oblysyndaǵy Túpqaraǵan men Munaıly aýdandarynda, Janbolat Jórgenbaev pen Zákirjan Kýzıev Almaty oblysynda, Nurtóre Júsip Almaty qalasynda, Qaırat Tastekeev pen Aınur Arǵynbekova Abaı oblysynda, t.b. aımaqtarda túrli óndiristik oryndar men mem­lekettik, qoǵamdyq mekemelerdiń ujymdarymen júzdesip, kún tártibindegi máseleler jaıynda pikir almasyp, olardy sheshý joldaryn talqyǵa saldy.