Ǵylym jáne joǵary bilim mınıstrligi
Bıyl UBT-ǵa 187 myńǵa jýyq adam qatysýǵa ótinish bergen. Bul ótken jylmen salystyrǵanda 20 myńǵa kóp. Testileýge tirkelgen talapkerlerdiń 75,2%-y qazaq tilinde, 24,6%-y orys tilinde, al 189 adam aǵylshyn tilinde tapsyrýdy tańdaǵan.
Mınıstrlik málimetinshe, talapkerler ótinish berý barysynda testileý kúnin, ýaqytyn jáne pýnktin ózderi tańdaǵan.
Eń kóp tańdalǵan beıindik pánder kombınasııasy – «Matematıka-fızıka». Bul baǵytty talapkerlerdiń 19,2%-y tańdaǵan. Atalǵan kombınasııa bolashaq muǵalimder, ınjenerler, mehanıkter, tehnıkter men tehnologtar, energetıkter men qurylysshylardy daıarlaýǵa baǵyttalǵan. Al 16,9% talapker «Bıologııa-hımııa», 9,7% talapker «Shyǵarmashylyq emtıhan» pánderin tańdaǵan. Bul sáıkesinshe medısınalyq jáne shyǵarmashylyq sala mamandyqtaryna túsýge nıetti talapkerler.
Qańtarda UBT-ny 187 myń adam tapsyrady
UBT barysynda kalkýlıator, Hımııalyq elementterdiń perıodtyq júıesi (Mendeleev kestesi) jáne tuzdardyń erigishtik kestesi testileý baǵdarlamasynda qoljetimdi bolady. Testileý aıaqtalǵannan keıin talapkerler 30 mınýt ishinde apellıasııaǵa ótinish bere alady. Apellıasııaǵa ótinish bergen talapkerlerdiń sertıfıkaty apellıasııalyq komıssııa sheshiminen keıin jeke kabınetinde jarııalanady.
2026 jyly Ulttyq biryńǵaı testileýdiń formaty ózgerissiz qalady. Talapkerler úsh mindetti pán men eki beıindik pándi tapsyrady. UBT tapsyrmalarynyń jalpy sany – 120. Onyń ishinde «Qazaqstan tarıhy» páni boıynsha 20 tapsyrma, «Oqý saýattylyǵy» men «Matematıkalyq saýattylyq» pánderinen 10 tapsyrmadan, sondaı-aq eki beıindik pánniń árqaısysynan 40 tapsyrmadan beriledi. Eń joǵary ball – 140.
Testileý ýaqyty 4 saǵatty (240 mınýt) quraıdy. Erekshe bilim berý qajettilikteri bar talapkerler úshin qosymsha 40 mınýt ýaqyt qarastyrylǵan.
Qańtarda ótetin UBT-ǵa ótinish qabyldaý aıaqtaldy
Aıta keteıik, qańtardaǵy UBT-ǵa shartty túrde aqyly negizde kúndizgi oqý nysany boıynsha joǵary oqý oryndaryna qabyldanǵandar, shyǵarmashylyq bilim berý baǵdarlamalarynan basqa daıyndyq baǵyttaryna nemese pedagogıkalyq baǵytqa aqyly negizde aýysqysy keletinder, ótken jylǵy mektep pen kolledj túlekteri, QR azamaty bolyp tabylmaıtyn ulty qazaq tulǵalar, shetelde bilim alǵan QR azamattary, sondaı-aq mektep bitiretin túlekter joǵary oqý oryndaryna aqyly negizde túsý úshin qatysady.
Mınıstrlik UBT transformasııasy 2027 jyly bastalatynyn habarlady.
