Foto: ABCTVnew
South China Morning Post málimetinshe, pandalar volerlerinde apta saıyn ekskýrsııalar ótkiziledi. Bul ekskýrsııalar aıýlar zoobaqtan áketilgennen keıin qaıtadan kópshilikke ashylǵan. Qazirgi ýaqytta pandalardyń ornyna zoobaq qyzmetkerleri ań kostıýmin kıip, kelýshiler aldynda «óner kórsetedi».
Japonııa Abaı oblysyna 7 mln dollardan astam qarajat bóledi
Ekskýrsııa barysynda kelýshiler «pandalardy» tamaqtandyra alady. Áleýmettik jelilerde taraǵan vıdeolardyń birinde panda qalpaǵyn kıgen qyzmetker kelýshi syılaǵan almany jep otyrǵandaı keıip tanytady.
Ekskýrsııa sońynda qatysýshylarǵa arnaıy sertıfıkattar tabystalady.
Atalǵan shara zoobaqtyń qoǵammen baılanys bólimi qyzmetkeri bastamashy bolǵan «Pandalardy súıý klýby» jobasy aıasynda júzege asyrylyp jatyr. Joba aıasynda ekskýrsııalardan bólek, dárister, sondaı-aq kútýshilerdiń pandalarǵa qatysty estelikteri men áńgimeleri uıymdastyrylady.
Japonııa álemdegi eń iri AES-ti iske qosý týraly sheshim qabyldady
Jeli qoldanýshylary bul bastamaǵa ártúrli pikir bildirgen.
– Bul avangard teatrǵa uqsaıdy, – dep jazdy bir pikir qaldyrýshy.
– Kórinis sonshalyqty sıýrrealıstik, tipti jasandy ıntellekt jasaǵan dúnıe dep oıladym, – dedi taǵy biri.
– Bul shara kútýshilerdiń tájirıbesin joǵaltpaý úshin uıymdastyrylǵan bolýy múmkin. Alaıda endi joq nárseni eske alýdyń ózi birtúrli ári muńdy kórinedi, – dep pikir bildirdi taǵy bir qoldanýshy.
Buǵan deıin mádenı murany saqtaýdyń japondyq úlgisi týraly jazǵanbyz.
