Foto: ashyq derekkóz
QazTrade bas dırektory Aıtmuhammed Aldajarov bul dınamıka túrki elderiniń naryqtarynda otandyq ónimge turaqty suranys bar ekenin kórsetetinin atap ótti.
Eksporttyń ósýi bıdaı, mys, munaı, kúnbaǵys maıy, metall ónimderi, sondaı-aq agroónerkásip kesheni men tamaq ónerkásibi ónimderin jetkizý esebinen qamtamasyz etildi. Bul rette eń joǵary ósim óńdelgen ónimderge tıesili boldy. Bul eksport qurylymynyń joǵary qosylǵan quny bar taýarlar jaǵyna qaraı birtindep ózgerip kele jatqanyn kórsetedi.
Tabıǵı gaz jáne keıbir jartylaı fabrıkattar sııaqty jekelegen shıkizat taýarlarynyń jetkiziliminiń tómendeýin QazTrade teris úrdis emes, qurylymdyq qaıta qurýdyń bir bóligi retinde qarastyrady.
Qazaqstan Azııa úshin et ónimderiniń iri eksporttaýshysy bola alady
Túrki memleketteri uıymyna múshe eldermen saýdanyń negizgi bóligi Túrkııa, О́zbekstan, Qyrǵyzstan jáne Ázerbaıjanǵa tıesili. Bul baǵyttar jalpy taýar aınalymynyń shamamen 96 paıyzyn quraıdy. Mundaı shoǵyrlaný logıstıkanyń jaqyndyǵymen, ornyqty saýda baılanystarymen jáne boljamdy suranyspen túsindiriledi.
«2026 jyly Qazaqstannyń Túrki saýda-ónerkásip palatalary odaǵyna tóraǵalyq etýi bizge Odaqtyń ekonomıkalyq kún tártibin qalyptastyrýǵa múmkindik beredi. Bul – halqynyń jıyntyq sany 160 mıllıonnan asatyn túrki elderiniń naryqtary, onda Qazaqstan ónimine turaqty suranys bar ekenin kórip otyrmyz. Negizgi nazar – óndirýshiler arasyndaǵy kooperasııany keńeıtý jáne kompanııalar arasynda tikeleı B2B-baılanystar qurý», dedi QazTrade bas dırektory Aıtmuhammed Aldajarov.
Aıta keteıik, Qazaqstan maı eksportynan 532 mln dollar tabys tapty.
