Ulttyq kompanııanyń málimetinshe, búginde Qazaqstan aýmaǵynda jalpy uzyndyǵy 4 883 shaqyrymdy quraıtyn 26 aqyly avtojol ýchaskesi jumys istep tur. Onyń ishinde 12 ýchaske I tehnıkalyq sanatqa jatady (2 231 km), al qalǵan 14 ýchaske II-III sanattar boıynsha paıdalanylýda (2 652 km).
Kólik aǵynyna júrgizilgen taldaý saparlardyń negizgi bóligi iri qalalar mańynda jáne mańyzdy tranzıttik baǵyttarda shoǵyrlanǵanyn kórsetken. Máselen, eń kóp paıdalanylatyn alǵashqy bes aqyly jol ýchaskesine barlyq sapardyń 51 paıyzy tıesili bolsa, alǵashqy on baǵyt jalpy trafıktiń shamamen 73 paıyzyn qamtamasyz etken.
Jol júrý sany boıynsha Almaty – Qonaev baǵyty kósh bastap tur. Bul baǵytta bir jyl ishinde 11,8 mıllıon sapar tirkelgen. Sondaı-aq Shymkent mańyndaǵy ońtústik baǵyttarda, sonyń ishinde О́zbekstan shekarasyna aparatyn jolda da júkteme joǵary – 9,3 mıllıon sapar.
Al Mańǵystaý oblysyndaǵy Beıneý – Aqjigit, ıaǵnı О́zbekstan shekarasyna shyǵatyn aqyly jol ýchaskesinde qozǵalys qarqyny aıtarlyqtaı tómen bolǵan. 2025 jyly bul baǵytta bar bolǵany 163 myń sapar tirkelgen. Bul kórsetkish eldegi barlyq aqyly joldardyń ishinde eń tómen kórsetkishterdiń biri sanalady.
Budan da az trafık tek Úsharal – Dostyq avtojolynda baıqalǵan. Bul ýchaskede bir jylda 101 myń sapar ǵana tirkelgen.
Elimizdegi aqyly joldarda kimder tegin júre alatynyn osy silteme arqyly oqı alasyz.
