Bilim • 11 Qańtar, 2026

On tilde erkin sóıleıtin jas polıglot Qazaqstanda turady

110 ret

kórsetildi

1 mın

oqý úshin

11-synyp oqýshysy Ásel Abdýrahımova 10 tilde erkin sóıleıdi. Kishkentaıynan álem tilderin meńgerýge qyzyǵýshylyq tanytqan Ásel orys, fransýz, aǵylshyn, qytaı tilderin áýeli óz betinshe ınternetten izdenip, úırengen, dep jazady Egemen.kz.

Azamat QOIShYǴARA

On tilde erkin sóıleıtin jas polıglot Qazaqstanda turady

Keıin arnaıy til kýrstaryna qatysyp, ıspan, ózbek, ıtalıan jáne japon tilderin meńgeredi. Álem elderiniń mádenıeti men tiline qyzyqqan Ásel birinshi synypta álem elderiniń astanalaryn jatqa aıtatyn boldy, úshinshi synyptan bastap fransýz tilin úırene bastaıdy.

Qatardaǵy jaýynger 5 tilde erkin sóıleıdi

Búginde Ásel tájik (ana tili), ózbek (C1), qazaq (C1), orys (C1), aǵylshyn (C2), fransýz (C1), qytaı (B1), ıspan (A2), ıtalıan (A2) jáne japon (N4) tilderinde erkin sóıleıdi. Qytaı tili boıynsha halyqaralyq HSK 3 deńgeıi (B1) emtıhanyn tapsyrýǵa daıyndalyp júr.

Dúnıejúzi Túrki tilderi kúni belgilendi

«Men jıhankez bolýdy, aralaǵan ár eldegi adamdarmen óz tilinde erkin sóılesýdi armandaımyn. Ár til jańa mádenıetke jol ashatyn kilt ispettes. Bunymen toqtap qalmaımyn, aldaǵy ýaqytta arab tiline den qoıyp, BUU-nyń alty resmı tilin tolyq meńgergim keledi», deıdi jas polıglot Ásel.

Aıta keteıik, 4-synyp oqýshylary endi fransýz, nemis, aǵylshyn tilderin oqıdy.