Bul sheshim Reseıdiń Ýkraınaǵa qarsy soǵysy aıasynda eldiń qorǵanys saıasatyn qaıta qaraýymen baılanysty.
Fın bıligi endi jaıaý áskerge qarsy mınalardy óndirýge, saqtaýǵa jáne paıdalanýǵa zańdy quqyq alady. Mundaı qadam Reseımen shektesetin 1300 shaqyrymdyq memlekettik shekarany nyǵaıtý qajettiligimen túsindirildi.
Sońǵy jyldary qaýipsizdik qaterleriniń kúsheıýine baılanysty Fınlıandııa birqatar qorǵanys sharany júzege asyryp keledi. Atap aıtqanda, shyǵys shekarada shamamen 200 shaqyrym qorshaý salý josparlanǵan, jerasty ınfraqurylymy men azamattyq qorǵanys panalary damyp jatyr, aýqymdy áskerı oqý-jattyǵýlar ótkizilip, halyqty evakýasııalaý josparlary jańartylǵan.
Qazaqstan men Fınlıandııa Prezıdentteri Birlesken málimdeme qabyldady
Sarapshylardyń pikirinshe, bul sheshim Eýropadaǵy qaýipsizdik ahýalynyń túbegeıli ózgergenin kórsetedi. Reseımen shekara endi yntymaqtastyq aımaǵy emes, qorǵanys shebi retinde qarastyryla bastady.
