Ekspozısııa ulttyq qundylyqtardy dáripteýdi, oqyrmandarǵa otandyq avtorlar men jańa basylymdardy tanystyrýdy maqsat etedi.
Kórme tórt bólimnen turady. «Otandyq ádebıet» bóliminde otandyq qalamgerlerdiń zamanaýı prozasy men poezııasy, qazaq ádebıeti klassıkteriniń qaıta basylǵan kitaptary qoıylsa, «Ǵylymı-tanymdyq eńbekter» bóliminde tarıh, etnografııa, óner jáne áleýmettik ǵylymdar baǵytyndaǵy jańa zertteýler tanystyryldy. Sondaı-aq «Aýdarma jobalary» bóliminde álemdik ǵylymı jáne kórkem ádebıetterdiń qazaq tilindegi nusqalary, al «Balalar ádebıeti» qataryna ıllıýstrasııalyq kitaptar qoıylǵan.
Kórmeni kitaphana oqyrmandary 10 kún boıy tamashalaı alady.
