Foto: ashyq derekkóz
Jasandy ıntellekt jáne sıfrlyq damý mınıstrliginiń deregine sáıkes, otandyq IT-qyzmetterdiń eksporty shamamen 1 mlrd AQSh dollaryna jetti.
Sońǵy jyldary iri sıfrlyq jobalar júzege asyrylyp, salanyń quqyqtyq negizi qalyptasty. Qazir elde «ALEM.AI» ulttyq jasandy ıntellekt ortalyǵy jumys isteıdi.
2025 jyly Almaty men Astanada qýaty shamamen 7,5 megavatt bolatyn eki derekterdi óńdeý ortalyǵy iske qosyldy. Aldaǵy ýaqytta taǵy úsh data-ortalyq ashý josparlanyp otyr, olardyń jıyntyq qýaty 13 megavattqa jýyqtaıdy. Bul Qazaqstannyń sıfrlyq ınfraqurylymyn nyǵaıtýǵa múmkindik beredi.
Internetke qoljetimdilik te keńeıip keledi. Qazirdiń ózinde 2,5 myńnan astam aýyl joǵary jyldamdyqtaǵy ınternetke qosylǵan. Bıyl taǵy eki myńǵa jýyq eldi meken ǵalamtorǵa qosylmaq. Bul aýyl men qala arasyndaǵy sıfrlyq alshaqtyqty azaıtyp, elektrondy qyzmetterge teń qoljetimdilikti qamtamasyz etýge baǵyttalǵan.
Aıtpaqshy, ótken aıda Premer-Mınıstrdiń orynbasary, Jasandy ıntellekt jáne sıfrlyq damý mınıstri Jaslan Madıev elektrondy úkimet portalynyń jańa nusqasy daıyn ekenin málimdegen bolatyn.
Sonymen qatar Memlekettik keńesshi Erlan Qarın eGov servısinde azamattardyń parlamenttik júıeni jetildirý jónindegi usynystaryn jınaý uıymdastyrylǵanyn habarlaǵan.
