Foto: kazgazeta.kz
Memleket basshysynyń tapsyrmasy boıynsha Úkimet ekonomıkany ártaraptandyrý jóninde júıeli sharalar qabyldap jatyr. Úkimettiń baspasóz qyzmetiniń málimetinshe, ótken jyly ekonomıkalyq ósimge negizgi úlesti kólik, qurylys jáne saýda salalary qosty.
О́nerkásip óndirisiniń ındeksi jyl qorytyndysy boıynsha – 7,4%-dy qurady. О́ńdeý sektory – 6,4% deńgeıinde turaqty ósimdi kórsetip keledi. Oń kórsetkishter azyq-túlik óndirisiniń – 8,1%-ǵa, óńdelgen munaı ónimderin óńdeý – 5,9%-ǵa, hımııa ónerkásibi ónimderiniń – 9,8%-ǵa, metallýrgııanyń – 1,2%-ǵa, mashına jasaý ónimderiniń – 12,9%-ǵa ulǵaıýyna baılanysty tirkelgen.
О́sim Aqtóbe, Almaty, Atyraý, Batys Qazaqstan, Jambyl, Jetisý, Qaraǵandy, Qostanaı, Mańǵystaý, Pavlodar, Soltústik Qazaqstan, Ulytaý, Túrkistan oblystarynda, Astana, Almaty jáne Shymkent qalalarynda baıqaldy. Jyl qorytyndysy boıynsha kólik jáne qoımalaý salasyndaǵy ósim – 20,4%-dy qurady (qańtar-qarashada – 20,3%). Bul júk tasymaly kóleminiń, eń aldymen avtomobıl jáne temirjol kóligi arqyly tasymaldaýdyń ulǵaıýyna, sondaı-aq birqatar óńirde jolaýshylar tasymalynyń artýyna baılanysty boldy. Qosymsha kólik qyzmetteriniń, onyń ishinde júkterdi ekspedısııalaý, áýe qozǵalysyn basqarý qyzmetteriniń, áýejaılardyń, qoımalar men pakgaýzdardyń qyzmetteriniń, astyq saqtaý qyzmetteriniń jáne salqyndatylǵan júkterdiń kóleminiń artýy baıqalady.
Qurylys salasyndaǵy ósim – 15,9%-dy qurady, bul 2025 jylǵy qańtar-qarasha aılaryndaǵy (14,7%) kórsetkishinen joǵary. О́sim jaıly mektepter, medısınalyq nysandar, kólik jáne ınjenerlik ınfraqurylymdar salýdy qosa alǵanda, ınfraqurylymdyq jáne áleýmettik jobalardy júzege asyrý baǵyty boıynsha qamtamasyz etilgen. 2025 jylǵy qańtar-jeltoqsanda paıdalanýǵa berilgen turǵyn úıdiń jalpy aýdany 20,1 mln sharshy metrdi qurady, bul 2024 jylǵy deńgeıden 5,1%-ǵa joǵary.
Saýda salasynda da oń serpin saqtalǵan. 2025 jyldyń qańtar-jeltoqsan aılarynda ósim 8,9%-dy qurady (qańtar-qarashada – 8,8%). Negizgi úles jalpy kólemniń úshten ekisinen astamyn quraǵan kóterme saýdaǵa tıesili boldy. Kóterme saýda kóleminiń ósý qarqynyna astyq, tuqym jáne mal azyǵyn satatyn kásiporyndar – 2,6 ese, mashınalar men jabdyqtar – 99,8%, farmasevtıkalyq taýarlar – 44,1%, avtomobılder men jeńil avtokólik quraldary – 33%, sút ónimderi, jumyrtqa men maılar – 25,8%, qant, shokolad jáne qantty kondıterlik ónimder – 21,2%, keń assortımenttegi taýarlar – 12,5% áser etti. Aýyl, orman jáne balyq sharýashylyǵyndaǵy kórsetkishter – 5,9% qurady. О́simdik sharýashylyǵynda (7,8%) jáne mal sharýashylyǵynda da (3,3%) oń dınamıkalyq ósim tirkelgen.
Aqparat jáne baılanys salasynda ósim – 3,6%-dy qurady. Úkimet 2025 jyldyń qorytyndysy boıynsha ekonomıkanyń jıyntyq ósimi negizgi salalardyń turaqty damýyn kórsetkenin habarlap otyr.
