Foto: Mádenıet jáne aqparat mınıstrligi
Vıtebsk qalasynda «Art-parad v Vıtebske» VII halyqaralyq festıval-baıqaýy ótti. Baıqaýǵa Qazaqstan, Ulybrıtanııa, Germanııa, Italııa, Qytaı, Grýzııa jáne Qyrǵyzstan syndy 12 elden kelgen 1 200-den astam ónerpaz qatysty.
Halyqaralyq baıqaýda el namysyn Temirbek Júrgenov atyndaǵy Qazaq ulttyq óner akademııasynyń «Estradalyq vokal» mamandyǵy boıynsha 4-shi kýrs stýdenti Aqerke Amalıat qorǵady.
Ol qazaq halyq ánin oryndap, 129 upaı jınap, «Vokal» nomınasııasy boıynsha Gran-prı ıelendi.
Aıta keteıik, Aqerke buǵan deıin de halyqaralyq jáne respýblıkalyq deńgeıdegi kóptegen baıqaýlardyń jeńimpazy ári laýreaty atanǵan.
Buǵan deıin Ulytaýlyq aýyl balalarynan quralǵan ansambl halyqaralyq baıqaýda jeńiske jetkenin habarlaǵanbyz.
Al Irlandııanyń Dýblın qalasynda ótken XIII Silk Road International Film Festival qorytyndysynda rejısser Elzat Eskendirdiń «Ábil» fılminde basty róldi somdaǵan Erlan Tóleýtaı «Úzdik akter» júldesin ıelengen edi.
Sondaı-aq buǵan deıin «Shabyt» halyqaralyq baıqaýynyń jeńimpazdary týraly jazǵanbyz.
