Foto: mobile-review.com
Maman Meta-nyń daǵdarystyq jaǵdaılarǵa jedel áreket etý, qaýip-qaterlerdi anyqtaý, tekserýler júrgizý jáne platforma erejeleriniń saqtalýyn baqylaýǵa jaýapty bólimshelerinde jumys isteıdi.
Onyń mindetine Qazaqstan baǵytynda jumys isteıtin eýropalyq komanda quramynda bolý, kezekshilikke qatysý, paıdalanýshylardyń akkaýnttarǵa qatysty ótinishteri men ar-namysqa tıetin nemese zııandy kontentke (sýretter, beınematerıaldar men mátinder) baılanysty túsken shaǵymdaryn óńdeý kiredi. Sonymen qatar, maman aımaqtaǵy Meta-nyń jarnamalyq bıznesine qatysty táýekelderdi anyqtap, jarnama berýshilerdi qorǵaýǵa jáne jarnamany ornalastyrý úderisin jetildirýge atsalysady.
Aıda Balaeva Meta ókilderimen aqparattyq qaýipsizdik máselelerin talqylady
Úmitkerden qazaq jáne orys tilderin bilýi, eldiń saıası, mádenı jáne áleýmettik erekshelikterin túsinýi, sondaı-aq analıtıkamen, sıfrlyq quraldarmen jumys isteı bilýi men esep daıyndaý tájirıbesi talap etiledi. Excel, SQL jáne derekterdi vızýalızasııalaý quraldaryn bilýi quptalady. Sondaı-aq maman Meta komandalarymen jáne seriktes uıymdarmen baılanysa otyryp, sheshimder ázirleýge jáne aımaqtyq zańbuzýshylyq túrleri boıynsha saraptama jasaýǵa da qatysady.
Jumys orny Dýblın qalasynda ornalasqanymen, negizgi qyzmet Qazaqstanda júzege asyrylady.
Aıta keteıik, Meta kompanııasy LGBT nasıhaty bar akkaýnttardy buǵattaýǵa belsendi kiristi.
О́tken jyldyń qyrkúıeginde elimizge Meta kompanııasynyń vıse-prezıdenti Iаnn Lekýn kelgenin habarlaǵanbyz.
