О́ńirdegi osyndaı alǵashqy memlekettik mekemede balalarǵa kúndizgi mezgilde jáne táýlik boıy formattarynda kómek kórsetiledi. Ortalyq ár balanyń jeke qajettilikterine negizdelgen tegin túzetý jáne damytý baǵdarlamalaryn, áleýmettik beıimdelý qyzmetterin jáne kútim túrlerin usynady. Depýtattar mekemeniń jumys jaǵdaıymen tanysyp, pedagogtarmen áńgimelesti, sondaı-aq Aqmola oblysynda ınklıýzıvti ortany odan ári damytý joldaryn talqylady.
Depýtat Aına Mysyrálimova erekshe qajettilikteri bar balalardy qoldaý memlekettiń basym mindetteriniń biri ekenin atap ótti.
– Prezıdent Qasym-Jomart Toqaev naqty tapsyrma berdi, ár óńirde erekshe balalardy ońaltý jáne damytý ortalyqtaryn ashý kerek. Kókshetaý qalasynda endi osyndaı ortalyq bar. Mundaı mekemelerdi jaı ashyp qana qoımaı, tıisti mamandarmen, ádistemelermen qamtamasyz etý, turaqty qarjylandyryp turý óte mańyzdy. Búginde Aqmola oblysy boıynsha 30 myńǵa jýyq múgedek adam bar, onyń ishinde 3 myńnan astamy bala. Memlekettiń mindeti – olardyń qoǵamǵa beıimdelip, tolaqqandy ómir súrýine jaǵdaı jasaý, – dedi ol.
Depýtattar sondaı-aq Parlamenttiń kedergisiz ortany zańnamalyq turǵyda jetildirýge baǵyttalǵan jumysyna mán berdi. Atap aıtqanda, Memleket basshysy jaqynda qol qoıǵan qurylys kodeksinde nysandardyń qoljetimdiligi bazalyq basymdyq retinde bekitilgen. Iаǵnı, endigi ýaqytta kedergisiz ortaǵa qoıylatyn talaptar turǵyn jáne óndiristik ǵımarattardy jobalaý kezeńinde qatań baqylanady.
О́ńirde ınklıýzıvti orta qalyptastyrý sheńberinde 116 reıd júrgizilip, 192 ınfraqurylym obektisi tekserilgen. Sonyń nátıjesinde 80 buzýshylyq anyqtaldy.
Búgingi tańda oblysta 127 ınklıýzııa kabıneti jumys isteıdi, oǵan 2667 bala qatysady. Sondaı-aq 8 beıimdelgen sport seksııasy bar. Oblysta jumyspen qamtý jelisi boıynsha 80 taqyryptyq bos jumys oryndary jármeńkesi uıymdastyrylyp, 413 múgedek adam turaqty jumys oryndaryna ornalastyryldy.
