Aýqymdy sporttyq dodaǵa Azııanyń 21 elinen 343 sportshy qatysyp, Traditional MMA jáne Modern MMA baǵyttary boıynsha baq synady. Týrnır aldaǵy Azııa oıyndaryna irikteý kezeńi sanalady.
Jarystyń úshinshi kúni qorytyndysy boıynsha IIM Ulttyq ulanynyń «BURKIT TEAM» komandasy joǵary daıyndyq deńgeıi men jaýyngerlik sheberligin aıqyn kórsete otyryp, tabysty óner kórsetti.
77 kelige deıingi salmaq dárejesinde áskerı qyzmetshi Ádilbek Qaıyrǵalı (Atyraý q.) barlyq kezeńnen senimdi ótip, altyn medalǵa qol jetkizdi.
96 kelige deıingi salmaq dárejesinde almatylyq áskerı qyzmetshi Abylaı Shakırbekov Azııa chempıony atanyp, jeńis tuǵyrynyń eń joǵary satysyna kóterildi.
Osy salmaq dárejesinde taǵy bir almatylyq áskerı qyzmetshi Alı Musaqulov qola medal ıelenip, ulttyq quramanyń júlde qoryn tolyqtyrdy.
Ulttyq ulan sportshylarynyń Azııa chempıonatyndaǵy bul tabysty nátıjesi júıeli daıyndyqtyń, joǵary tártiptiń jáne elimizdiń abyroıyn halyqaralyq sport arenasynda laıyqty qorǵaýǵa degen umtylystyń aıqyn kórinisi boldy.
