Jıynda Úkimet basshysy ornyqty ekonomıkalyq ósýdi qamtamasyz etý men halyqtyń naqty ál-aýqatyn arttyrý basym mindet bolyp qala beretinin atap ótip, saraptama men keńester alýǵa jumys tásilderin jan-jaqty talqylaý boıynsha kezdesýlerdiń mańyzdylyǵyna toqtaldy.
Kezdesý barysynda sarapshylar qaýymdastyǵynyń ókilderi ekonomıkalyq ósýdiń negizgi máseleleri men baǵyttaryna óz baǵasyn berdi. Sarapshylar sondaı-aq jahandyq úderister men álemdik konıýnktýranyń yqpalyn eskere otyryp, ulttyq ekonomıkanyń damý qarqynyna qatysty boljamyn aıtty. Salalyq jańǵyrtýdyń basymdyqtary, naryqtyń neǵurlym ózekti suranystary ári olarmen tehnologııalyq bastamalardy ózara baılanystyrý jóninde usynystar aıtyldy. Inflıasııaǵa qarsy kúres sharalary, otandyq óndiristi ulǵaıtý, salyqtyq ákimshilendirýdi jetildirý, JI-di damytýǵa elektr energııasyn óndirý, ınvestısııalar tartý máseleleri talqylandy.
Salyq reformasyn talqylaý kezinde ótpeli kezeńniń mańyzdylyǵy atap ótildi. Úkimettiń sheshimine sáıkes QQS boıynsha esepke qoıý sheginen asqan salyq tóleýshiler ákimshilik jaýapkershilikke tartylmaıdy. Salyqtar boıynsha ósimpuldar men aıyppuldar qaryzdyń negizgi somasy 2026 jylǵy 1 sáýirge deıin ótelgen jaǵdaıda esepten shyǵarylady.
Kezdesýdi qorytyndylaǵan Premer-mınıstr Úkimet pen sarapshylar qaýymdastyǵy arasyndaǵy turaqty dıalogtiń mańyzdylyǵyn atap ótip, jaýapty memlekettik organdarǵa aıtylǵan usynystardy pysyqtaýdy tapsyrdy.
