Sýret: instagram.com/ortalyq.kz
Sıfrlandyrý jáne jasandy ıntellekt jyly aıasynda 2026 jylǵa arnalǵan sıfrlyq transformasııanyń basym baǵyttaryn aıqyndaý boıynsha óńirlermen júıeli jumys jalǵasyp jatyr. Ákimdiktermen jáne jergilikti salalyq uıymdarmen birlesip, sıfrlyq damý josparlary men jasandy ıntellekt sheshimderin engizýge daıyndyq deńgeıine salystyrmaly taldaý júrgizilip otyr.
Qaraǵandy qalasynda oblys basshylyǵy jáne salalyq qyzmettermen kezdesý ótti. Kezdesý barysynda óńirdegi sıfrlyq transformasııanyń serpini, IT-ındýstrııanyń damýy, sondaı-aq jasandy ıntellektige negizdelgen sheshimderdi ekonomıka men memlekettik basqarý júıesine engizý máseleleri talqylandy.
Talqylaýdyń negizgi baǵyttary telekommýnıkasııalyq ınfraqurylym men kıberqaýipsizdikti damytý, óńirlik IT-habtardyń áleýetin arttyrý, halyqqa qyzmet kórsetý sıfrlyq keńselerin transformasııalaý, Smart City jobalaryn júzege asyrý, sondaı-aq ekonomıkanyń naqty sektoryn sıfrlandyrý boldy.
Árbir atalǵan baǵyt boıynsha óńirlik erekshelikter men nysanaly kórsetkishterdi eskere otyryp, olardy odan ári damytýǵa arnalǵan usynystar men tásilder tanystyryldy.
О́ńirde qoǵamdyq qaýipsizdik, kólik, qalalyq ınfraqurylym men derekterdi basqarý salalarynda sıfrlyq júıeler naqty ýaqyt jaǵdaıynda jumys isteıdi. Vıse-premer qoldanystaǵy sıfrlyq júıelerdiń qyzmetimen tanysty. Olardyń kúndelikti tájirıbedegi tıimdiligi baǵalanyp, álsiz tustary anyqtalyp, kúsheıtý sharalary belgilendi.
Kezdesý qorytyndysynda azamattarǵa yńǵaıly, bızneske tıimdi bolǵany ári úrdisterdiń ashyqtyǵy basymdyqqa alyna otyryp, 2026 jylǵa arnalǵan josparǵa engiziletin naqty mindetter men usynystar tizbegi jasaqtaldy.
