Jıynda óńirdiń 10 aýdany men 10 aýylyna saltanatty túrde JINMA 904A markaly 20 jańa traktordyń kilti tabystaldy. Baıqaý úzdikteri «Taza Qazaqstan» baǵdarlamasy aıasynda ınternetpen qamtý, abattandyrý men kógaldandyrýda kreatıvti ádis qoldaný, turmystyq qaldyqtardy tazalaý, halyqtyń áleýmettik jaǵdaıyn jaqsartý, ınfraqurylymdy, týrızmdi, saıabaqtar men jasyl jelekterdi damytý, úlgili aýyl, tártip pen zańdy, mádenı murany saqtaý, eldi mekender arasyndaǵy joldardyń sapasyn jaqsartý, senbilik ótkizý, halyqty ekologııalyq is-sharalarǵa belsendi tartý, mańyzdy nysandarmen qamtamasyz etý, ınvestısııa tartý, ekonomıkalyq áleýetti nyǵaıtý, qoǵamdyq oryndardyń tazalyǵy, mesenattarmen belsendi jumys baǵyttarynda 20-ǵa jýyq atalym boıynsha anyqtaldy.
Saltanatty jıynǵa qatysqan oblys ákimi Berik Ýálı tazalyq mádenıetin qalyptastyrý ár turǵynnyń jeke jaýapkershiligi ekenin basa aıtty.
– О́ńir ekonomıkasy, óneri men mádenıeti, ekologııasy men tazalyǵy – barshamyzǵa ortaq. Tazalyq degenimiz – jylyna bir ret senbilikke qatysý emes, óńirde qalyptasýǵa tıis mádenıet. Memleket basshysy Qasym-Jomart Toqaev bul jóninde «Qalalar men aýyldardyń sáýletti, saıabaqtar men aýlanyń taza bolýy eń aldymen basqaǵa emes, ózimizge kerek», dep aıryqsha atap ótti. Týǵan jerimizdiń túlegeni, turǵan ortamyzdyń tazalyǵy – ákimdik pen kommýnaldyq qyzmettiń ǵana emes, árbir azamattyń, árbir otbasynyń jaýapkershiligi. Búgingi marapat – sizderdiń birlikterińiz ben eńbekqorlyqtaryńyzdyń jemisi. Sizder óz aýyldaryńyzdy abattandyryp, kógaldandyrý arqyly ózgelerge úlgi kórsettińizder. Baıqaýǵa qatysyp, belsendilik tanytqan eldi mekenderge 20 jańa traktordyń kiltin tabystap otyrmyz. Tehnıkalar aýyldaryńyzdyń gúldenip, taza ári jaıly bolýyna qyzmet etedi dep senemin. Bul baıqaýdy dástúrge aınaldyryp, keler jyldary da jalǵastyramyz. Tazalyq aksııasyna qatysqan qarapaıym azamattardy nazardan tys qaldyrmaı, yntalandyryp, marapattap otyramyz, – dedi óńir basshysy.
Oblys ákimi jyl basynda óńir turǵyndaryna arnaıy beıneúndeý jasap, jalpyóńirlik senbilikke belsendi qatysýǵa shaqyryp, jyl sońynda arnaıy baıqaý ótkizilip, jeńimpazdar anyqtalatynyn aıtqan edi. Bul jıyn sol bastamanyń nátıjesi. Endi bul 20 eldi mekenniń murtyn balta shappaıdy, qysta joldy qar basady dep qysylmaıdy, kóktemgi qar sýynan da saspaıdy – tehnıkanyń aty tehnıka. Úlkenderdiń aıtýynsha, burynǵy kezeńde qysta joldy qar basý, kóktemde sý basý jaǵdaılary sırek bolatyn. О́ıtkeni tehnıkanyń kúshine súıenetin, senetin.
Oblys ákimdigi baspasóz qyzmetiniń málimetinshe, ótken jyly óńirde «Taza Qazaqstan» baǵdarlamasy aıasynda aýqymdy jumys atqaryldy. Tazalyq naýqanyna 349 myńnan astam turǵyn atsalysyp, 52 myń tonna qaldyq shyǵaryldy. 70 myńnan astam kóshet egildi. Ǵaryshtyq monıtorıng arqyly anyqtalǵan 191 ruqsat etilmegen qoqys oryndary joıyldy.
Abaı oblysy
