Laıyqty baǵa jáne Venesııaǵa joldama

Kúni keshe Mádenıet jáne aqparat mı­nıstrligi 61-shi Vene­sııa bıennalesindegi Ult­tyq pavılonǵa arnal­ǵan kýra­torlyq usynystar kon­kýrsynyń qorytyndysyn jarııalady. Eske sala ke­teıik, konkýrs 2025 jyldyń qarasha aıynda jarııalanyp qoıǵan. Ondaǵy maqsat – bıylǵy Bıennalede «In Minor Keys» taqyrybyn ashatyn, tujyrymdamalyq jáne kórkemdik turǵydan birtutas jobany irikteý jáne Qazaqstannyń zamanaýı ónerin halyqaralyq deńgeıde tanystyrý. Atalǵan baıqaý­da daýys berý nátıjesi bo­ıyn­sha «QOŃYR: arhıv úni» tujy­rymdamasy jeńimpaz atandy. Jobanyń kýratory – Syrlybek Bekbotaev.

Konkýrs ulttyq pavılondy daıyndaýda ashyq ári turaqty tájirıbeni qa­lyptastyrý maqsatynda uıymdastyryldy. О́ti­nim­der bir aı boıy qabyldandy. Irikteý eki kezeńnen tur­dy. Birinshi kezeńde usy­nyl­ǵan materıaldarǵa sarap­ta­ma­lyq baǵalaý jasal­dy, al ekinshi­sinde fınalıstermen onlaın-suhbat júrgizildi.

Birinshi kezeńniń fınalyna úsh joba ótti. Ekinshi kezeńde qazylar alqasy ár­bir fınalıspen onlaın-suh­bat ótkizip, talqylaý qory­tyn­dysy boıynsha aqtyq daýys berý paraqtaryn toltyrdy.

Irikteý komıssııasy pán­aralyq saraptama qa­ǵı­daty boıynsha qu­ry­lyp, onyń quramynda zamanaýı óner, ónertaný, táýel­siz teatr men mýzyka sala­laryndaǵy jergilikti jáne halyqaralyq maman­dar, sondaı-aq akade­mııa­lyq qa­ýymdastyq pen memle­kettik mýzeıler ókil­deri otyrdy.

Konkýrsqa kýratorlar men kýratorlyq toptarǵa el aza­mattary, kýrator­lyq qyz­met tájirıbesi bar ma­mandar shaqyryldy. Qazaqstanda tu­­ratyn jáne jumys isteı­tin úmit­ker­lerge basymdyq berildi. Halyq­aralyq kórme­ge joldama alǵan Syrlybek Bek­botaev – sýretshi ári ký­ra­tor, Astana qalasynda tu­ryp jumys isteıdi. Onyń shy­ǵarmashylyǵy men mol táji­rıbesi kóshpeliler ómiri men mádenı mura taqy­­ry­byna arnalǵan. 2025 jyly ol L.N.Gýmılev atyn­daǵy Eýrazııa ulttyq ýnı­versıtetin «Máde­nıet­taný» mamandyǵy boıynsha támamdaǵan.

Venesııa bıennalesi 1895 jyldan bastap Vene­sııa­da eki jylda bir ret ótki­ziletin eń bedeldi halyq­aralyq kórmelerdiń biri ekenin atap ótken jón. Bul aıtýly oqıǵa álemdik óner­diń damý baǵytyn aıqyn­daı­dy, sondaı-aq zamanaýı trendterdi keńinen ­ta­nys­­tyrady.