Oblys ákiminiń baspasóz qyzmeti 12 qańtarda quramynda oblystyq ekologııa departamentiniń zerthana mamany, jergilikti atqarýshy bılik ókilderi bar arnaıy jumys toby Torǵaı ózenine tekserý júrgizý maqsatynda jolǵa shyqqanyn málimdedi.
«Tekserý jumystary 2025 jylǵy 22 qazanda Aýyl sharýashylyǵy mınıstrligi bekitken № 386 erejege sáıkes júrgiziledi. Balyqtardyń qyrylý faktisi týraly qorytyndyny jumys toby shyǵarady. Odan keıin tolyqqandy aqparat beretin bolady» dep málimdedi oblys ákiminiń baspasóz qyzmeti.
Atyraýda balyq qorǵaý ınspektorlary kvadrosıklmen Jaıyqqa túsip ketti
Oblystyq ekologııa departamenti basshysynyń orynbasary Zıada Bısaqalova jaǵdaıdyń baqylaýǵa alynǵanyn aıtty.
«Naqty sebebi synama alynyp, zerthanalyq saraptama jasalǵannan keıin ǵana belgili bolady. Mundaı jaǵdaı, kóbine, sý quramynda otteginiń jetispeýshiliginen bolady», dedi Zıada Bısaqalova.
Ekologııa jáne tabıǵı resýrstar mınıstrligi de atalǵan máselege qatysty resmı aqparat taratty. Mınıstrliktiń málimetinshe, 12 qańtarda quramynda sanıtarııalyq-epıdemııalyq qyzmet mamandary, tabıǵı resýrstar basqarmasynyń, ekologııa departamentiniń jáne balyq ınspeksııasynyń ókilderi bar arnaıy komıssııa Torǵaıǵa attanyp ketken. Komıssııa ózen sýynan, balyqtardan jáne qorshaǵan ortadan synama alyp, keshendi tekserý júrgizedi.
Kaspıı teńizine albyrt tuqymdas balyqtyń shabaqtary jiberildi
Qostanaı oblysy
