foto: gov.kz
Qazaqstan qor bırjasynda (KASE) 13 qańtarda jarııalanǵan qujatqa sáıkes, holdıngtiń dırektorlar keńesiniń jańa quramy 26 jeltoqsanda bekitilgen.
Dırektorlar keńesine Premer-Mınıstr Oljas Bektenov tóraǵalyq etedi. Keńes quramyna sondaı-aq birinshi vıse-premer Roman Sklıar, ekonomıka mınıstri Serik Jumanǵarın, Erbolat Dosaev, qarjy mınıstri Mádı Takıev jáne ónerkásip pen qurylys mınıstri Ersaıyn Naǵaspaev kirdi. Al basqarma tóraǵasy qyzmetinde Rýstam Qaragóıshin qaldy.
Aıta keteıik, buǵan deıin «Báıterek» ulttyq basqarýshy holdıngi «Ulttyq ınvestısııalyq holdıng» mártebesin alyp, ataýy ózgertildi.
Erbolat Dosaev 2016-2017 jyldary «Báıterek» holdınginiń basqarma tóraǵasy qyzmetin atqarǵan.
Sonymen qatar, 2025 jyldyń jeltoqsan aıynyń sońynda Erbolat Dosaev «Samuryq-Qazyna» AQ dırektorlar keńesiniń múshesi bolyp taǵaıyndalǵan.
Eske salsaq, 2025 jylǵy 24 mamyrda Memleket basshysy óz jarlyǵymen Erbolat Dosaevty 2022 jyldyń qańtarynan beri atqaryp kelgen Almaty qalasynyń ákimi qyzmetinen bosatqan bolatyn.
Al qyrkúıek aıynda Prezıdent Jarlyǵymen Erbolat Dosaev Qazaqstan Respýblıkasy Prezıdenti Ákimshiligi basshysynyń orynbasary qyzmetine taǵaıyndaldy.
