Oblystyq polısııa departamentiniń baspasóz qyzmetiniń málimetine súıensek, Talǵat Nazarov 9 qańtarda kúndizgi saǵat 13:30 shamasynda Atyraý qalasynyń Kókarna shaǵyn aýdanyndaǵy úıden shyǵyp ketken. Sodan beri onyń qaıda ekeni týraly derek shyqpaı tur.
«Joǵalǵan er adamdy jedel izdestirý jumysy áli de jalǵasyp jatyr. Krımınaldy polısııa bólinisteriniń málimetine sáıkes er adamnyń sońǵy júrgen izi Jaıyq ózeniniń mańynan anyqtaldy. О́zenge taıaý mańnan iz-túzsiz joǵalǵan adamnyń jeke zattary tabyldy. Soǵan baılanysty ony Jaıyq ózeninen izdeýge tótenshe jaǵdaılar departamentiniń qyzmetkerleri men quraldary tartyldy», dep habardar etti departamenttiń baspasóz qyzmeti.
Týystarynyń aıtýynsha, habar-osharsyz ketken Talǵat Nazarov Maqat aýdanynyń Dossor kentinde turǵan. Ol Atyraý qalasyna dárigerdiń qabyldaýyna júginý úshin kelgen.
Budan buryn Atyraýda iz-túzsiz joǵalǵan er adam izdestirilip jatqanyn jazǵan edik.
Eske salaıyq, Atyraý oblysynda bir otbasy jumbaq jaǵdaıda joǵalyp ketti. Keıinirek, joǵalǵan otbasynyń qyzy men balasyn súńgýirler izdep, taba almaǵany habarlandy.
Atyraý oblysyndaǵy Jangeldın aýylynyń turǵyndaryn óltirý deregi boıynsha kúdiktige, jábirlenýshi otbasynyń 30 jastaǵy qyzyna halyqaralyq izdeý jarııalandy.
