Suranysqa negizdelgen mundaı dınamıkalyq baǵa belgileý quraly álemniń basqa kýrorttarynda da bar. О́ıtkeni, Regular Season arqyly kelýshiler legi rettep, ınfraqurylymǵa túsetin salmaqty azaıtýǵa bolady. О́z kezeginde bul qyzmet kórsetý sapasyn tómendetpesten, baǵa saıasatyn qaıta qaraýǵa, tıimdirek sharttar usynýǵa múmkindik beredi.
«Biz úshin baǵa saıasatynyń qonaqtarǵa túsinikti ári aldyn ala josparlaýǵa yńǵaıly bolǵany kerek. Sondyqtan maýsymdyq, dınamıkalyq baǵa belgileý arqyly kelýshiler legin rettep qana qoımaı, tańdaý múmkindigin beremiz. Bireýler merekelik qarbalasty unatsa, endi bireýler syrǵanaý úshin jaıly, arzandaı, tynysh mezgildi ýaqytty tańdaı alady. Sondyqtan maýsymdardy High Season, Regular Season dep, jáne jylyna eki ret keletinLow Season-ǵa bólý osy maqsatta qarastyrylǵan», deıdi Shymbulak taý kýrortynyń klıenttik servıs jáne sapany baqylaý departamentiniń basshysy Olga Belıaeva.
Máselen, Regular Season bastalǵanda skı-passtar baǵasy orta eseppen 13%-ǵa tómendeıdi. Sonymen qatar, High Season kezinde jeńildik baǵdarlamalary qaıta qosylady. Jumys kúnderi jasy kelgende zeınetke shyqqandar (tek Qazaqstan Respýblıkasynyń azamattary úshin) men múgedektigi barlar rastaýshy qujattaryn kórsetken jaǵdaıda kýrortqa tegin kire alady. Kópbalaly otbasylar, ardagerler, eńbek ótili boıynsha zeınetke shyqqandar men basqa da áleýmettik osal top ókilderi jumys kúnderi bıletter men skı-passtardy jeńildikpen ala alady.
Shymbulaqtaǵy meıramhanada bolǵan janjalǵa Almaty polısııasy túsinikteme berdi
Al bes jasqa deıingi balalarǵa kýrortqa kirý kez kelgen kúni jáne kez kelgen maýsymda tegin, ol úshin tek kassadan skı-pass kartasyn satyp alyp, oǵan nóldik abonement júkteý jetkilikti.
«Regular Season kezinde jeńildik baǵdarlamalarynyń qaıta qosylýy – taý demalysyn qarbalas maýsymnan basqa kezde jurttyń bárine qoljetimdi bolýyn kózdeıdi. Biraq bıylǵy 1-11 qańtar aralyǵyndaǵy High Season kezinde biz kópbalaly otbasylar úshin jeńildik tarıfin saqtap qaldyq. Jyl saıyn Shymbulak áleýmettik osal topqa jatatyn 190 myńǵa jýyq qonaq qabyldasa, bul shamamen jalpy Shymbulaqqa shyqqandardyń – 20%-y», deıdi qonaqtarǵa qamqorlyq kórsetý qyzmetiniń basshysy Temirlan Júsip.
Sonymen Regular Season aıaqtalǵan soń Low Season bastalady. Bul kezde baǵalar burynǵydan da tómen bolady. Shymbulak-ta tek tolyq kúnge ǵana emes, sonymen qatar tańǵy, tústen keıingi jáne túngi tarıfter de qarastyrylǵan. Bul bıletter standartty kúndizgi skı-passqa qaraǵanda arzan ári demalysty ýaqytyń pen fızıkalyq múmkindigińe qaraı yńǵaıly josparlaýǵa kómektesedi.
Al shańǵy men snoýbordty endi úırenip júrgender úshin Shymbulak-tyń arnaıy «Bastaýshy» tarıfi bar. Ol eresekter men balalardyń alǵashqy oqý betkeılerinde syrǵanaýyna arnalǵan. Bul tarıf boıynsha trassalar sany shekteýli, biraq baǵasy standartty skı-passtan áldeqaıda arzan.
ALMATY
