Endigi jerde memlekettik nómir avtomatty túrde ǵana berilmeı, azamattar bar nusqanyń ishinen ózderine unaǵan árip-san úılesimin tańdaı alady.
Serik Shýmaevtyń aıtýynsha, bul jańa qyzmet memlekettik qyzmetti usyný tásilin túbegeıli ózgerte otyryp, tańdaý quqyǵyn damyta túsýge baǵyttalǵan. Nómirdi tańdaý múmkindigin engizý biraz sharýany qatar sheshýi tıis. Máselen, halyqqa da yńǵaıly ári osy jumystyń ashyqtyǵyn qamtamasyz etetin, oǵan qosa memlekettik qyzmetterdi sıfrlandyrýdy kózdeıtin aýqymdy baǵdarlamanyń da bir bóligi.
Jalǵan nómirmen júrgen kólikter anyqtaldy
«Memlekettik nómirlerdiń birneshe sanaty qarastyrylǵan. Olardyń quny 10-nan 280 aılyq eseptik kórsetkishke (AEK) deıin barady. Baǵa avtokólik ıesi tańdaǵan sandyq nemese áriptik kombınasııaǵa baılanysty. Memlekettik nómirlerdi satyp alýdan túsken qarajat qala bıýdjetine túsedi. Qazir birdeı úsh sannan turatyn, basynda nemese sońynda nólderi bar nómirlerge suranys óte joǵary», deıdi Serik Shýmaev.
Qazirgi ýaqytta nómir tańdaý úshin mamandandyrylǵan halyqqa qyzmet kórsetý ortalyqtary arqyly ótinish berseńiz bolady. Aldaǵy ýaqytta bul qyzmet onlaın formatta – elektrondyq úkimet portaly men mobıldi qosymshalar arqyly da qoljetimdi bolady. Bul HQO-larǵa túsetin júktemeni azaıtyp, jumysty barynsha yńǵaıly etýge múmkindik bermek.
Elimizde jalǵan nómirmen júrgen 900-den astam júrgizýshi ustaldy
Qyzmet kórsetý rásimi qarapaıym ári túsinikti, ıaǵnı azamattarymyz júıedegi qoljetimdi kombınasııalardan kerek nómirdi tańdap, tekserýden ótip, qyzmet aqysyn tólep, sodan keıin ótinish beredi. Bul úderister baqylanady jáne ashyq ótedi. Ádepsiz ári jaǵymsyz maǵyna beretin nómirlerdi jasaýǵa ǵana jol berilmeıdi.
«Áriptik jáne sandyq kombınasııalar jalpy qabyldanǵan moraldyq normalarǵa saı bolýy tıis. Biz muny aldyn ala eskertemiz, ıaǵnı balaǵat sózder nemese bireýdiń ar-namysy men qadir-qasıetine nuqsan keltiretin jazýy bar nómirler bolmaıdy. Barlyǵy ádepten aspaýy kerek», – deıdi Almaty qalalyq Polısııa departamentiniń resmı ókili Saltanat Ázirbek.
Ishki ister organdarynda kólik quraldaryn tirkeý salasyndaǵy ózgerister tek servıstik turǵydan ǵana emes, «Zań jáne tártip» qaǵıdattaryn qamtamasyz etý úshin de mańyzdy ekenin atap ótti. Naqty esepke alý, biryńǵaı erejeler men ashyq rásimder kólik qaýipsizdigine, kólikterdi izdestirý men azamattardyń quqyqtaryn qorǵaý jumysyna da tikeleı áser etedi.
Polısııa memlekettik nómirin jasyrǵan kólik júrgizýshilerimen kúresti bastady
Serik Shýmaevtyń aıtýynsha, joǵarydaǵydaı qyzmetti jetildire túsý aldaǵy ýaqytta jalǵasyn tabady.
