Onyń aldynda ishi qatty aýyryp, qusa bergen balaqaı klınıkalyq balalar aýrýhanasyna jedel jetkizilgen edi. Sóıtip odan qan synamasy alynyp, ýltradybystyq zertteý (ÝDZ) júrgizildi. Analız nátıjesinde dárigerler operasııa jasaý qajet degen sheshimge keldi. Naýqas densaýlyǵynyń nasharlaý sebebi ish qýysynyń lımfangıomasy – sırek kezdesetin, biraq kólemi ulǵaıǵan jaǵdaıda ishki aǵzalardyń qyzmetine aıtarlyqtaı qaýip tóndiretin qatersiz isiktiń paıda bolýy edi. Isiktiń kólemi úlken, operasııa kúrdeli bolǵandyqtan hırýrgtar otada laparotomııa ádisine súıendi.
Operasııadan keıin naýqas bólimshege aýystyrylyp, dárigerlerdiń turaqty baqylaýynda boldy. Jaǵdaıy birshama jaqsarǵan soń úıine shyǵaryldy.
Almatyda omyrtqa julyny keselimen týǵan eki balaǵa kúrdeli ota jasaldy
Mamandardyń aıtýynsha, mundaı otalar asqan dáldikti, kásibı sheberlik pen zamanaýı medısınalyq jabdyqty talap etedi. Bul oraıda Shymkenttiń medısınalyq uıymdarynda sońǵy jyldary hırýrgııalyq kómektiń sapasyn arttyrýǵa, kúrdeli otalardy jergilikti jerde jasaýǵa erekshe kóńil bóline bastady.
Kúrdeli ota mindetti áleýmettik medısınalyq saqtandyrý júıesi aıasynda jasaldy. Shymkent qalalyq klınıkalyq balalar aýrýhanasynyń bas dárigeri Dınara Jumadilovanyń aıtýynsha naýqastar aýrýhanada tegin medısınalyq kómektiń kepildendirilgen kólemi aıasynda em alady jáne mindetti áleýmettik medısınalyq saqtandyrý paketi sheńberinde medısınalyq qyzmetter tolyq kólemde kórsetiledi.
