Foto: iStockphoto.com
Almaty oblysynda 5571 áskerı bóliminiń oqý polıgonynda ótken oqý atystary barysynda qaýipsizdik talaptarynyń buzylýy saldarynan Ulttyq ulannyń merzimdi qyzmettegi áskerı qyzmetshisi aıaǵynan jeńil oq jaraqatyn aldy. Bul týraly Ulttyq ulannyń «Ońtústik» óńirlik qolbasshylyǵynyń baspasóz qyzmeti habarlady.
«2026 jylǵy 13 qańtar kúni saǵat 15:05 shamasynda jaýyngerlik daıyndyq josparyna sáıkes 5571 áskerı bóliminiń áskerı qyzmetshilerimen oqý polıgonynda oqý atystary ótkizildi. Qaýipsizdik talaptarynyń buzylýy nátıjesinde 2-2025 shaqyrylymynyń merzimdi qyzmettegi áskerı qyzmetshisi G. AK-74 avtomatynan sol jaq aıaǵyn janama atyp aldy. Oqıǵa ornynda oǵan qajetti medısınalyq kómek kórsetilip, keıin shuǵyl túrde Qonaev qalalyq aýrýhanasyna jetkizildi», delingen sársenbi kúngi habarlamada.
Berilgen málimetterge sáıkes, áskerı qyzmetshiniń jaǵdaıy turaqty, ómirine qaýip tónip turǵan joq.
Oqıǵanyń mán-jaıy anyqtalyp jatyr, derek boıynsha qyzmettik tekseris taǵaıyndaldy.
Aıta keteıik, 7 qańtar kúni Shymkentte merzimdi áskerı qyzmettegi sarbaz kenetten júregi toqtap, kóz jumǵan edi.
