Foto: istockphoto.com
Sot sheshimine sáıkes, Almaty qalalyq bilim basqarmasyna jáne oǵan qarasty barlyq aýdandyq bólimder men mektepterge «Kúndelik» júıesiniń ornyna BilimClass nemese kez kelgen basqa aqparattyq júıeni engizýge, testileýden ótkizýge nemese pılottyq rejimde qoldanýǵa tyıym salyndy. Bul sheshim bilim berý salasyndaǵy sıfrlyq platformalardy almastyrý prosesin ýaqytsha buǵattap tastady.
Kundelik platformasynyń basty betinde prokýratýra blogy iske qosyldy
Sonymen qatar sot mektep oqýshylarynyń, ata-ana men muǵalimderdiń derbes derekterin Kundelik júıesinen BilimClass platformasyna nemese basqa júıelerge berýge, kóshirýge jáne júkteýge de shekteý qoıdy. Sondaı-aq balamaly sıfrlyq platformalardy engizý boıynsha jańa kelisimsharttar jasasýǵa da jol berilmeıdi. Aıta ketý kerek, bul sot uıǵarymyna áli de Almaty qalalyq sotynda shaǵym túsirý múmkindigi bar.
Esterińizge sala keteıik, 8 qańtar kúni Almatynyń bilim basqarmasy úshinshi toqsannan bastap megapolıs mektepteriniń BilimClass júıesine kóshetinin jarııalaǵan edi. Buǵan deıin «Kúndelik» kompanııasy oqýshylar derekteriniń taralýyna baılanysty 3 mln teńgege jýyq aıyppul arqalaǵan bolatyn.
