Foto: Tengrinews.kz
Vedomstvonyń habarlaýynsha, qonaqúıdi memleket menshigine ótkizý Qarjy mınıstrligine qarasty Memlekettik múlik jáne jekeshelendirý komıtetiniń buıryǵy negizinde rásimdelgen. Syıǵa tartý týraly kelisimge 2023 jylǵy 1 tamyzda qol qoıylǵan. Qujatqa sáıkes, Almaty qalasynyń Bostandyq aýdanyndaǵy Kóktem-3 shaǵynaýdanynda ornalasqan, jalpy aýmaǵy 9 461,6 sharshy metr bolatyn jyljymaıtyn múlik memleketke berilgen.
«2023 jylǵy qyrkúıekte qonaqúı ǵımaraty respýblıkalyq menshikke resmı bekitilip, Almaty qalasy boıynsha sot ákimshiligi departamentiniń balansyna ótkizildi», dep naqtylady departament ókilderi.
Qaırat Satybaldynyń aty qoǵam nazarynda 2022 jylǵy naýryzdan beri jıi atalyp keledi. Ol sol kezde shetelge ushpaq bolǵan sátinde ustalǵan. Sol jyldyń 26 qyrkúıeginde sot Satybaldyny eki kompanııaǵa keltirilgen múliktik zalal men qarjy jymqyrý derekteri boıynsha 6 jylǵa bas bostandyǵynan aıyrdy.
2023 jyly oǵan qatysty basqa da qylmystar boıynsha tergeý jalǵasty. Qylmystyq jolmen alynǵan kiristerdi zańdastyrý deregi boıynsha is sotqa 2024 jylǵy 10 qańtarda túsken. Al 1 sáýirde Satybaldy bul aıypty tolyq moıyndady.
2024 jylǵy tamyzda О́skemen qalasynyń № 2 soty sottalǵannyń ótinishin qarap, jazanyń ótelmegen bóligin jeńildetý jóninde sheshim qabyldady. Sot bas bostandyǵynan aıyrý jazasyn 3 jyl 3 aı 7 kún merzimge bostandyqty shekteý jazasyna aýystyrdy. Osy kezeńde Qaırat Satybaldy memleketke óz erkimen 700 mlrd teńgeden asatyn qarajat pen múlikti qaıtardy.
Antıkor buǵan deıin Satybaldynyń óteý retinde memleketke ótkizgen kommersııalyq nysandarynyń tizimin de jarııalaǵan. Olardyń qatarynda Almatynyń eski ortalyǵyndaǵy Kaisar Plaza saýda-keńse ortalyǵy (33,5 mlrd teńge), oǵan qarsy ornalasqan Kaisar Towers bıznes-ortalyǵy (7,9 mlrd teńge), DoubleTree by Hilton qonaqúıi (6,49 mlrd teńge), «ArSat» bıznes-ortalyǵy (8,9 mlrd teńge), Maisat bıznes-ortalyǵy (5,2 mlrd teńge), Jasyl bazardaǵy «Megataý» saýda úıi (8,9 mlrd teńge), baraholkadaǵy «Baısat» bazary (15,9 mlrd teńge) jáne Astanadaǵy «Optımým» bıznes-ortalyǵy (3,2 mlrd teńge) bar.
Esentaı jaǵasyndaǵy qonaqúıdiń memleket menshigine ótýi Qaırat Satybaldy isi aıasynda qaıtarylǵan aktıvterdiń áli de júıeli túrde rásimdelip jatqanyn kórsetedi. Bul prosess qoǵam úshin sımvoldyq mánge ıe bolyp otyr.
