Foto: Ǵylym jáne joǵary bilim mınıstrligi
Asa kúrdeli esepterdi qysqa ýaqytta sheshken
Ǵalymnyń aıtýynsha, buryn birneshe apta, tipti aılar boıy qolmen nemese jeke kompıýter kómegimen esepteletin asa kúrdeli algebralyq esepterdi QazUÝ-dyń joǵary ónimdi sýperkompıýteri qysqa ýaqytta sheship bergen.
«Tarıhqa sholý jasasaq, men Mıttag-Lefler ınstıtýtynda jumys istegen ýaqytta kompıýterge esepteý baǵdarlamalaryn bersek, onyń nátıjesin kelesi kúni ǵana alatynbyz. Sebebi kúrdeli esepterdi sheshý úshin qýatty kompıýter qajet. Qazir ózimde 8 prosessordan turatyn qýatty jeke kompıýter bar, algebralyq esepterimdi sonyń kómegimen shyǵaryp keldim. Alaıda QazUÝ sýperkompıýteri buryn aptalap esepteletin kúrdeli tapsyrmalardy bar bolǵany 3 saǵatta oryndap berdi. Sondyqtan bul orasan zor kúsh», dedi akademık Asqar Jumadildaev.
Ǵalymǵa QazUÝ Sýperkompıýter ortalyǵynyń mamandary arnaıy esepteýge arnalǵan serverlerdi bólip bergen jáne ǵylymı jobalardy júzege asyrýǵa jan-jaqty qoldaý kórsetedi. Búginde A.Jumadildaev joǵary tehnologııalyq qurylǵynyń kómegimen basqa da kúrdeli esepterdi esepteý baǵytynda jumys istep jatyr.
QazUÝ-dyń sýperkompıýteri – álemdegi úzdik 600 sýperkompıýterdiń biri
Aıta keteıik, QazUÝ-dyń sýperkompıýteri akademııalyq baǵytta iske qosylǵan alǵashqy joǵary ónimdi esepteý kesheni jáne mundaı deńgeıdegi júıe Ortalyq Azııa óńirinde kezdespeıdi. О́nimdiligi – 2000 teraflops. Álemdegi úzdik 600 sýperkompıýterdiń biri. Arhıtektýrasy Intel jáne NVIDIA kompanııalarynyń prosessorlarynan quralǵan, qýaty eń zamanaýı derbes kompıýterden 10 myń ese artyq. Bul júıe kúrdeli matematıkalyq modelder men kópólshemdi esepteýlerdi joǵary dáldikpen oryndaýǵa, aýa raıyn boljaýǵa, sondaı-aq jasandy ıntellekt pen derekterdi tereń taldaý baǵytyndaǵy ǵylymı jáne qoldanbaly jobalardy tıimdi júzege asyrýǵa keń múmkindik beredi.
