Foto: QTJ
Kompanııa málimetinshe, poıyzda mynadaı zattardy alyp júrýge ruqsat etilmeıdi:
- Jarylǵysh zattar men qurylǵylar, sondaı-aq pırotehnıkalyq buıymdar: salıýtter, feıerverkter jáne jarylys qaýpi bar ózge de zattar.
- Radıoaktıvti, esirtki jáne psıhotroptyq zattar, sondaı-aq tez tutanatyn suıyqtyqtar men hımııalyq qospalar: mysaly, benzın, metıl efıri, metanol jáne sol sııaqty qaýipti zattar.
- Tutanǵysh qatty zattar. Ýly, kúshti áser etetin jáne ýlandyrǵysh zattar (suıyq nemese qatty kúıde).
- Infeksııalyq nemese bıologııalyq turǵyda qaýipti materıaldar: juqpaly aýrý týdyrýy múmkin zattar men olardy qamtıtyn buıymdar.
- Atys qarýy, laqtyrmaly, elektrli, mehanıkalyq, gazdy jáne travmatıkalyq qarý syndy qarý-jaraq túrleri men sýyq qarýlar: pyshaq, qanjar, shtyk, qylysh, palash, ıatagan, tesakı, kastet, kısten, stılet, shashka, semser jáne ózge de zattar.
- Oq-dáriler men patrondar: soǵysqa arnalǵan, jaryq-dybystyq, holostyq, travmatıkalyq áseri bar, ańshylyqqa arnalǵan jabdyqtalǵan patrondar jáne basqa da atýǵa jaramdy snarıadtar.
Áýe reısteri men poıyzdardyń sany artady: Bılet quny qymbattaı ma?
Búginde elimizdiń iri temirjol vokzaldary rentgen-televızııalyq qondyrǵylar, stasıonarlyq jáne qol metall detektorlar, sondaı-aq portatıvti anyqtaý qurylǵylarymen tolyq jabdyqtalǵan.
Sonymen qatar, beınebaqylaý, dabyl berý jáne kúzet júıeleri úzdiksiz jumys isteıdi. Jolaýshylardyń qaýipsizdigin táýlik boıy polısııa qyzmetkerleri men kúzet uıymdarynyń ókilderi qamtamasyz etedi. Jolaýshylar tasymalyndaǵy qaýipsizdikti kúsheıtý maqsatynda poıyzdarda beınebaqylaý júıesi kezeń-kezeńimen engizilip jatyr. Qazirgi ýaqytta Talgo poıyzdarynyń 630 vagonyna (24 quram) 1 350 beınekamera ornatylǵan. Sonymen qatar 19 baǵytta júretin 46 meıramhana jáne bar-vagonda qosymsha 92 kamera iske qosyldy. Barlyq beınematerıal Ahýaldyq ortalyqqa tikeleı túsedi. Onda mamandar árbir tótenshe nemese qalyptan tys jaǵdaıdy jedel taldap, tıisti sheshimder qabyldaıdy.
2026 jyly «Qazaqstan temir joly» poıyzdary men «Air Astana» áýe kemelerinde jolaýshylar úshin spýtnıktik ınternetti iske qosý josparlanyp otyrǵanyn habarlaǵanbyz.
Aıta keteıik, Aqtóbe – Mańǵystaý baǵytyndaǵy poıyzdyń vagondary jańardy.
