Basqosýda aldaǵy josparlar saralanyp, kommýnıkasııalyq strategııany damytý jáne qoǵammen ózara is-qımyldyń jańa formattaryn engizý máselesi talqylandy.
Aıdyn Kabdýldınov óz sózinde Almaty polısııasynyń aqparattyq saıasaty kóptegen jyldar boıy basym baǵyttardyń biri retinde júıeli túrde qalyptasyp kele jatqanyn atap ótti.
Polısııa alaıaqtarǵa aldanyp qalmaýdyń 5 negizgi erejesin atady
«Belgilengen baǵyt saqtalyp qana qoımaı, odan ári kúsheıtiledi. Basymdyqtar qatarynda – zamanaýı kommýnıkasııa quraldaryn damytý, áleýmettik jelilerdegi belsendi jumys, profılaktıkalyq jáne túsindirý jobalary, balalar qaýipsizdigine, jol qaýipsizdigine erekshe nazar aýdarý, alaıaqtyq pen esirtki qylmysyna qarsy kúres bar», dedi Aıdyn Kabdýldınov.
Kezdesýdiń jeke bir bóligi kommýnıkasııalyq strategııaǵa arnaldy. Ol ashyqtyq, jedeldik jáne qoljetimdilik qaǵıdattaryna negizdelgen. Polısııanyń mindeti – tek oqıǵalar týraly habarlaý emes, sonymen qatar túsindirý, aldyn alý jáne azamattarǵa qaýipsizdik máselelerinde durys baǵdar berýge kómektesý.
Ońal Bekıev Atyraý oblystyq polısııa departamentin basqarady
Kezdesý qatysýshylary quqyq buzýshylyqtardyń aldyn alý jáne polısııaǵa degen qoǵamdyq senimdi nyǵaıtý isinde buqaralyq aqparat quraldary men blogerlermen seriktestiktiń mańyzdylyǵyn atap ótti.
«Alda – jańa jobalar, tyń formattar men ıdeıalar bar. Negizgi maqsat – polısııany halyqqa odan ári jaqyndatyp, qoǵammen turaqty ári senimdi dıalog ornatý», dep túıindedi departament basshysy.
