О́ZTÚRIK ESIMI KО́MESKI TARTPASA EKEN

Alǵash ret Mustafa О́ztúrik elim, jerim dep Almatyǵa kelgende “Assalaýmaǵaleıkým, halqym!” dep tizerlep otyra ketip, ákem úı tikken, sheshem ot jaqqan jerde júrmesem de Qazaqstanymdy, týǵan jerimdi saǵyndym, Allaǵa shúkir bul armanǵa jetkizgenińe. Túr­kııa­da bir qazaq degen elim bar. Bári óz saǵy­nysh­tary men sálemderin meniń mynaý bir ju­dyryqtaı júregime syıdyryp jiberdi. Sol ys­tyq yqylasty qabyl alyńyzdar”, – dep edi. Qum ishindegi altyn sekildi eleýsiz ǵana el ishinde júretin asa bir erekshe talanttar bolady. Solardyń biri taekvandodan álemdegi bıik turǵan sańlaq Mustafa О́ztúrik bolatyn. Tórtkúl álemdegi alpaýyt memleketterdiń ózin tánti etken, musylman balasynyń ishinen bi­rin­shi bolyp shyqqan 6 dannyń ıegeri, halyq­aralyq dárejedegi bapker inimiz Mustafany dinı qaıratker, jazýshy Halıfa Altaı, Mansur Táıjiler maqtan etetin. О́z ultyn álemge tanytyp, bedelin bıiktetken Mustafa О́ztúrik Taıvan, Gonkong, Koreıada júrip, taekvandonyń qyr-syryn úırengeni shyndyq. Aty áıgili Brıýs Lımen bir mektepte tárbıelengen Mustafa О́ztúrik búgingi shyǵys jekpe-jegi – taekvandomen aınalysyp júr­gen jastardyń piri desek artyq bolmas. Bú­ginde Mustafa О́ztúriktiń kóptegen shákirtteri Qazaqstannyń túkpir-túkpirinde ustazynyń árýaǵyna taǵzym etip, egemen elimizdiń már­te­besin bıiktetip júrgeni ras. Mustafa О́ztú­rik: “Meniń Qazaqstanǵa kelýimniń basty maq­saty – qazaq halqynyń atyn álemge tanytý, sizdermen júzdesip, týǵan elimniń ómir tynysyn seziný. Meniń bul aıtqandarym bos sóz bolyp kóriner, biraq mynany qarańyz­dar­shy. Brıýs Lıdi jaqsy tanısyzdar. Tarıh­tan biletin bolarsyzdar, buryn japondar Koreıa men Qytaıdy ezgide ustaǵan bolatyn. Mine, endi bir kezde ezgide bolǵan Qytaı halqyn álemge tanytyp, onyń mártebesin asyrǵan jannyń biri Brıýs Lı bolatyn. Ár adam óz eline sondaı qyzmet jasasyn. Bárimizdiń de mindetimiz Otandy súıý dep bilemin”, degen edi. Keshe ǵana qazaq jerine degen ystyq saǵynyshyn, mahabbatyn jetkize bilgen Mustafa О́ztúriktiń dúnıeden ótkenine biraz jyl bo­lypty. Elimiz óziniń ardaqty da birtýar per­zen­tin eske alyp, onyń atynda sporttyq jarystar ótkizip, árýaǵyna quran baǵyshtap jatady. Desek te ótken ǵasyrdyń jaryq juldyzy bolǵan inimizdiń esimi kómeski tartyp bara jatqandaı. Qazaq halqynyń ǵana emes, óz dáýiriniń maqtanyshyna aınalǵan Mustafa О́ztúriktiń qadirin bilsek nur ústine nur bolar edi. Tolybaı ShÁMETULY. Jambyl oblysy, Baızaq aýdany, Túımekent aýyly.