Foto: ashyq derekkóz
«Biz 12 qańtar kúni saǵat 19:00-de ótinim qabyldaýdy toqtattyq. Sebebi enpf-otbasy.kz portalynda radıohırýrgııaǵa qatysty ótinimder sany kúrt kóbeıdi. Bizdiń ustanymymyz – jekelegen em túrlerin qaıtarý qajet, alaıda bul úderis tolyqtaı ashyq ári baqylaýda bolýy tıis. Aldaǵy ýaqytta, shamamen 6-9 aı ishinde, keıbir operasııa túrlerin qaıta jandandyrýymyz múmkin», dedi «Otbasy bank» AQ basqarma tóraǵasy Lázzat Ibragımova.
Bank basshysynyń aıtýynsha, buǵan deıin radıohırýrgııa boıynsha aıyna beriletin ótinimder sany 10-nan aspaǵan. Sońǵy ýaqytta olardyń sany kúrt ósip, qalyptan tys deńgeıge jetken. 12 qańtarǵa qaraı mundaı ótinimder sany 7 myńnan asqan. Bank qyzmetkerleri operasııa jasalýy tıis delingen klınıkalarǵa tekserispen barǵan. Alaıda keıbir medısınalyq mekemelerde qajetti arnaıy jabdyq ta, tıisti mamandar da joq bolyp shyqqan. Al taǵy bir klınıkalar kórsetilgen mekenjaıda múlde bolmaǵan.
Zeınetaqy qorynan tis emdeýge 200 mlrd teńge zańsyz shyǵarylǵan
KTK arnasynyń habarlaýynsha, endi «Otbasy bank» Densaýlyq saqtaý mınıstrligimen birlesip, mundaı klınıkalardy lısenzııalaý talaptaryn qatańdatý baǵytynda jumys júrgizbek. Tıisti sheshim qabyldanǵannan keıin tis emdeý, kóz aýrýlaryn emdeý, onkologııalyq jáne orfandyq aýrýlarǵa baılanysty zeınetaqy jınaqtary esebinen qarajat paıdalaný múmkindigi qaıta engizilýi yqtımal.
«Monıtorıng barysynda anyqtalǵan zańbuzýshylyqtar bizge bul operasııalardy ári qaraı jalǵastyrýǵa múmkindik bermeıdi», dep atap ótti Lázzat Ibragımova.
Aıta keteıik, buǵan deıin zeınetaqy esebinen emdelýge ótinimder qabyldaý toqtatylǵanyn habarlaǵan edik.
Zeınetaqy jınaǵy esebinen plastıkalyq ota jasaýǵa tyıym salyndy
