Foto: airastana.com
Osyǵan baılanysty Air Astana ushaqtary Sharm-el-Sheıh, Dýbaı, Doha jáne Medınaǵa Iran áýe keńistigin aınalyp ushady. Sondaı-aq reıster kestesinde ózgerister bolady.
Kompanııa jaǵdaıdy muqııat baqylap otyrǵanyn málimdep, jolaýshylardan reısterdiń mártebesin tekserýdi surap otyr.
Jolaýshylar reısteriniń keshigýi nemese ózge de jaǵdaılarǵa qatysty málimetti kompanııanyń baılanys ortalyqtarynan ala alady: brondaý jáne aqparat ortalyǵynyń nómirleri: +7 (727) 244 44 77, +7 702 702 44 77.
Reısterdi keshiktirgen jáne toqtatqan jaǵdaıda: +7 (727) 244 44 78.
WhatsApp: +7 702 702 00 74.
Aıta keteıik, Iranda birneshe kúnnen beri eldiń túkpir-túkpirin qamtyǵan jappaı narazylyqtar jalǵasyp jatyr.
Iran bıligi narazylyqtar kezinde shamamen 2000 adamnyń qaza tapqanyn habarlady.
Álemdik BAQ Iran áýe keńistiginiń jabylýyn iske AQSh-tyń aralasýymen baılanystyryp otyr. Qazir Iran bıligi tek tańdaýly halyqaralyq reısterdi qabyldaýǵa sheshim shyǵarǵan.
