Aýyl sharýashylyǵy salasyna qosymsha 20 mlrd. teńge bólindi

ASTANA. 24 aqpan. 2015 jylǵa bıýdjet tapshylyǵyna qaramastan, aýyl sharýashylyǵy salasyna 20 mlrd. teńge qosymsha qarjy bólinip otyr. Bul týraly búgin Ortalyq kommýnıkasııalar qyzmetiniń brıfınginde Parlament Senatynyń depýtaty Qýanysh Aıtahanov aıtty. Baq.kz portalynyń habarlaýynsha, depýtat álem naryǵyndaǵy baǵalardyń tómendeýi elimizdiń ekonomıkasyna óziniń áserin tıgizip jatqanyn tilge tıek etken. «Sońǵy kezderi əlem naryǵyndaǵy shıkizat resýrstary baǵalarynyń tómendeýi elimizdiń ekonomıkasynyń damýyna óz əserin tıgizýde. Túbinde jer qoınaýy baılyqtary taýsylýy da múmkin. Al əlem halyqtarynyń sany men olardyń əl-aýqatynyń ósýi, aýyl sharýashylyǵy ónimderine degen suranys kún sanap arta túsedi. Eger biz jerdi tıimdi paıdalana bilsek, onyń qunarlyǵyn arttyryp, ınnovasııalyq tehnologııany endirsek aýyl sharýashylyǵynan turaqty túrde mol ónim alyp, tabysqa jetýge bolady. Ústimizdegi jyly úkimettiń keńeıtilgen otyrysynda Elbasy qazirgi ekonomıkalyq ahýalǵa baılanysty «Nurly jol» baǵdarlamasyn daǵdarysqa qarsy jańa sharalarmen tolyqtyryp, agroónerkəsiptik keshendi memlekettik qoldaýdy ulǵaıtýǵa tapsyrma berdi. Elbasy tapsyrmasyna səıkes, Úkimet naqtylaǵan 2015 jyldyń bıýdjeti týraly zań jobasynda bıýdjet tapshylyǵyna qaramaı, aýyl sharýashylyǵyna 20 mlrd. teńge qosymsha qarjy bólinip otyr», - dedi depýtat. Sonymen qatar, 2015 jyly aýyl sharýashylyǵynyń aldyna jalpy ónim kólemin 2,7 paıyzǵa arttyrý məselesi qoıylǵandyǵyn aıtqan Qýanysh Aıtahanuly: «Qazir ońtaılandyrý barysynda barlyq salanyń ósý kólemi qysqardy, biraq aýyl sharýashylyǵynyń sol kúıinde 2,5 paıyzda qaldy. Osynyń ózi aýyl sharýashylyǵyna qaısybir qıyn kezeńderde de basymdyq berýge bolatynyn, ony durystap paıdalana biletin bolsaq elimizge úlken ekonomıkalyq tabys alyp keletin salanyń biri ekendigi aıqyndalyp otyr», - dep atap ótti. Murat Aıtqoja.