Bahtııarhan fransýz tilin ákesimen birge Fransııada bolǵan kezinde meńgergen. Ol jerde arhıtektýra baǵyty boıynsha bilim alǵan. Shetelde qalyptastyrǵan tildik daǵdylary oǵan qyzmet barysynda azamattarmen tıimdi baılanys ornatýǵa, qoǵamdyq qaýipsizdikti qamtamasyz etý mindetterin sapaly oryndaýǵa kómektesip júr.
Otbasynyń úlkeni – Bahtııarhan 22 jasta. Ol artynan ergen inileri men qaryndasyna úlgi bolyp keledi. Jaýapkershilik, tártip pen ózin-ózi damytýǵa degen umtylys – onyń ómirlik ustanymy. Qaryndasy da shet tilderine qyzyǵyp, 5 tildi meńgergen. Bul otbasynda ákeniń «Til bilgen adam ómirde óz jolyn tabady» degen tálimi naqty nátıjesin berip otyr.
Qatardaǵy sarbazdyń aıtýynsha, 1 tildi meńgerýge oǵan orta eseppen 2-3 aı ýaqyt qajet. Merzimdi áskerı qyzmetin ótep júrse de, ol oqýyn toqtatpaıtynyn aıtady. Áskerı bólimniń komandırleri de sarbazdyń izdenisin qoldap, qajetti sheteldik ádebıetterin aldyrtyp oqýǵa kómektesedi.
Bahtııarhannyń jetistikteri tek til bilimimen shektelmeıdi. Ol ýshý-sandadan sport sheberi, el chempıonatynyń qola júldegeri. Sport pen til úırený – onyń ómir saltynyń ajyramas bóligi.
Bos ýaqytynda Bahtııarhan qarýlas dostaryna shaǵyn til úırený sabaqtaryn ótkizip, óz bilimimen bólisedi. Bul oǵan basqa tilde aýyzeki sóıleý deńgeıin jetildirýge múmkindik bolsa, endi birine jańa tildi meńgerýge jol ashady.
