Baǵa retteý erejelerine qandaı ózgerister engizildi?
2024 jylǵy 25 jeltoqsanda Densaýlyq saqtaý mınıstriniń №110 buıryǵymen Tegin medısınalyq kómektiń kepildik berilgen kólemi (TMKKK) jáne mindetti áleýmettik medısınalyq saqtandyrý (MÁMS) sheńberinde qoldanylatyn dárilik zattar men medısınalyq buıymdardyń shekti baǵalary men ústeme baǵalaryn qalyptastyrý qaǵıdalary jańartyldy.
Azamattar nelikten áli kúnge deıin tegin dári-dármek ala almaı otyr?
Atap aıtqanda, marketıng jáne kólik shyǵyndary baǵa quramynan alynyp tastaldy. Bul dáriniń túpki baǵasyna tikeleı qatysy joq shyǵyndardy pasıent esebinen ótemeýge múmkindik beredi.
Ústeme baǵalardyń biryńǵaı regressıvti shkalasy engizildi:
-
TMKKK aıasynda – 20 %,
-
kóterme saýdada – 25 %,
-
bólshek saýdada – 30 %.
Bul shekteýler dárihanalar men jetkizýshilerdiń baǵany shamadan tys kóterýine tosqaýyl qoıady.
Sonymen qatar referenttik elder tizimi jańartyldy. Endi Qazaqstan dári baǵasyn salystyrý kezinde Ázerbaıjan, Belarýs, Bolgarııa, Majarstan, Qyrǵyzstan, Polsha, Reseı, Slovenııa, Túrkııa jáne О́zbekstan derekterine súıenedi.
Halyqaralyq derekter bazasy negizinde syrtqy referenttik baǵa belgileý engizildi. Bul úshin Navlin jáne IQVIA sııaqty halyqaralyq platformalar qoldanylady.
Mınıstrliktiń málimetinshe, buryn referenttik elderdegi eń tómengi úsh baǵanyń eń joǵarysy alynatyn bolsa, endi sol úsh baǵanyń ortasha máni esepke alynady. Bul tásil shekti baǵalardy tómendetedi.
Bul ózgerister ne úshin qajet?
Mınıstrlik qabyldanǵan sharalar eń aldymen pasıent múddesin qorǵaýǵa baǵyttalǵanyn atap ótedi. Reformanyń negizgi maqsaty:
-
dári-dármek baǵasynyń kúrt ósýine jol bermeý;
-
em-domnyń qoljetimdiligin saqtaý;
-
baǵa belgileý júıesiniń ashyqtyǵy men ádildigin arttyrý;
-
salyq-bıýdjet reformasy jaǵdaıynda áleýmettik shıelenistiń aldyn alý.
Nelikten dári-dármek baǵasy memleket baqylaýynda?
Densaýlyq saqtaý mınıstrliginiń túsindirýinshe, dárilik zattar áleýmettik mańyzy bar taýarlar sanatyna jatady. Olar azamattardyń densaýlyǵy men ómir súrý sapasyna tikeleı áser etetindikten, olardyń baǵasy erkin naryqqa tolyq jiberilmeıdi jáne memlekettik retteýge jatady.
