Oqıǵa • 15 Qańtar, 2026

«Ádemi» nómirlerge talas: El azamattary bir aptada 200 myńnan astam ótinim berdi

30 ret

kórsetildi

1 mın

oqý úshin

Jańa qyzmet iske qosylǵan sanaýly kún ishinde eGov júıesi arqyly 226 myńnan astam adam óz qalaýyndaǵy nómirge tapsyrys berip úlgergen, dep habarlaıdy Egemen.kz.

Qyrmyzy JUMAǴALIQYZY

«Ádemi» nómirlerge talas: El azamattary bir aptada 200 myńnan astam ótinim berdi

Foto: Ashyq derekkóz

Memlekettik nómirlerdi tańdaý jáne brondaý qyzmeti 8 qańtardan bastap eGov.kz portaly men eGov Mobile qosymshasynda pılottyq rejimde qoljetimdi boldy. Jańa servıstiń tanymaldylyǵy sondaı, alǵashqy eki kúnniń ózinde 113 myń ótinim tirkelse, 15 qańtardaǵy málimet boıynsha bul kórsetkish eki ese artty.

Mamandardyń aıtýynsha, keıbir jaǵdaılarda tólem jasalǵannan keıin de tańdalǵan nómir bos bolyp kórinýi múmkin. Bul kóbinese ótinimniń sońǵy kezeńde tolyq aıaqtalmaýynan bolady. Mundaı jaǵdaıda azamattarǵa ótinimdi qaıta berý usynylady. Ol úshin úshinshi qadamda «Buryn tólengen» batyrmasyn basyp, bank pen tólem kúnin kórsetý qajet. Osy rásimderden keıin nómir paıdalanýshyǵa bekitilip, basqalar úshin qoljetimsiz bolady.

Almatyda aınalasy bir aptada «ádemi» nómir alǵysy keletinderden 19 myńdaı ótinish tústi

Eske sala keteıik, 5 qańtardan bastap azamattar avtokólik nómirlerin óz qalaýy boıynsha tańdaý úshin mamandandyrylǵan HQKO-larǵa júgine bastaǵan bolatyn.