О́shpes dańq • 16 Qańtar, 2026

Jetisý garnızonynyń áskerıleri 102 jastaǵy maıdangerdi quttyqtady

51 ret

kórsetildi

1 mın

oqý úshin

Taldyqorǵanda Jetisý garnızonynyń áskerı qyzmetshileri, Qarýly kúshterdiń ardagerleri, «Jas sarbaz» áskerı-patrıottyq qozǵalysynyń tárbıelenýshileri 102 jasqa tolǵan ekinshi dúnıejúzilik soǵysynyń ardageri Ysqaq Ábilpeıisuly Qusaıynovty týǵan kúnimen quttyqtady, dep habarlaıdy Egemen.kz.

Shyńǵys MUQAEV

Jetisý garnızonynyń áskerıleri 102 jastaǵy maıdangerdi quttyqtady

Foto: Qorǵanys mınıstrligi

Ardagerge Qorǵanys mınıstriniń quttyqtaý haty tabystaldy. Estelik syılyqtar men gúl shoqtary usynyldy. Merekelik dastarhanda maıdanger ózine kórsetilgen qurmetke rızashylyǵyn bildirip, barshaǵa beıbit ómir men bereke tilep, batasyn berdi.

Qorǵanys mınıstrligi

Ysqaq Qusaıynov 1924 jylǵy 14 qańtarda Jetisý oblysynyń Alakól aýdanyna qarasty Kólbaı aýylynda dúnıege kelgen. 1942 jyly áskerge shaqyrylyp, Qıyr Shyǵys maıdanynyń Amýr áskerı flotılııasy quramynda qyzmet etken.

Maıdanger marapattaldy

Qorǵanys vedomstvosynyń málimetinshe, maıdanger II dárejeli Otan soǵysy, «Eńbek Qyzyl Tý» ordenderimen, «Tynyq muhıty flotynyń ardageri», «Jýkov», «Eren eńbegi úshin» medaldarymen jáne «Áskerı-teńiz flotynyń úzdigi» tósbelgisimen marapattalǵan.

1947 jyly ásker qatarynan bosatylǵan Ysqaq Ábilpeıisuly pedagogıkalyq ýchılısheni támamdap, ustazdyq qyzmet atqarǵan.