Oqıǵa • 16 Qańtar, 2026

Astanada bir jylda temirjol aýmaǵynda 77 adam zardap shekti

1 mın

oqý úshin

2025 jyly Astana qalasynda temirjol boıynda 77 adam túrli jaraqat alyp, onyń jartysyna jýyǵy qaıtys boldy. Turǵyndardyń qaýipsizdik erejelerin eskermeı, joldy qysqartý úshin relsterdi ruqsat etilmegen jerden kesip ótýi qaıǵyly jaǵdaılardyń basty sebebine aınalyp otyr, dep habarlaıdy Egemen.kz.

Qyrmyzy JUMAǴALIQYZY

Astanada bir jylda temirjol aýmaǵynda 77 adam zardap shekti

Foto: Ashyq derekkóz

Polisia.kz portalynyń málimetinshe, ótken jyly elorda aýmaǵynda poıyzdardyń 1 869 shuǵyl tejelýi tirkelgen. Onyń ishinde 334 jaǵdaı tikeleı temirjolda adamdardyń bolýyna baılanysty bolǵan. Departament ókilderi jaraqat alý kórsetkishiniń joǵary ekenin jáne oqıǵalardyń basym bóligi adam ólimimen aıaqtalatynyn habarlady.

Jeńil kólik pen júk poıyzy soqtyǵysyp, 5 adam jaraqat alǵan

Tártip saqshylary 2025 jyly jaǵdaıdy túzetý maqsatynda 27 myńnan astam profılaktıkalyq is-shara ótkizgen. Soǵan qaramastan, temirjol boıyndaǵy quqyq buzýshylyqtar tyıylmaı tur. Polısııa azamattardy óz ómirine jaýapkershilikpen qaraýǵa jáne temirjol nysandarynda bekitilgen erejelerdi qatań saqtaýǵa shaqyrady.