Sport • 16 Qańtar, 2026

«Real» Holandqa kóz tigip otyr: Klýb prezıdenti «Manchester Sıtı» juldyzyn qatarǵa qosýdy qalaıdy

1 mın

oqý úshin

Madrıdtik klýbtyń prezıdenti Florentıno Peres «Manchester Sıtıdiń» shabýylshysyn komandanyń «qutqarýshysy» dep sanap, ony osy jazda satyp alýdy josparlap otyr, dep habarlaıdy Egemen.kz.

Qyrmyzy JUMAǴALIQYZY

«Real» Holandqa kóz tigip otyr: Klýb prezıdenti «Manchester Sıtı» juldyzyn qatarǵa qosýdy qalaıdy

Foto: Ashyq derekkóz

Sky Sport DE basylymynyń habarlaýynsha, «Real Madrıd» prezıdenti Florentıno Peres «Manchester Sıtıdiń» shabýylshysy Erlıng Holandtyń transferin basty maqsat etip bekitti. Peres norvegııalyq shabýylshyny klýbtyń qazirgi daǵdarystan shyǵaratyn negizgi tulǵasy retinde kóredi.

Aıta keteıik, sońǵy eki oıynda «Real» 2:3 esebimen Ispanııa Sýperkýboginiń fınalynda «Barselonadan» jáne Ispanııa kýboginiń 1/8 fınalynda ekinshi dıvızıonda oınaıtyn «Albaseteden» jeńilgen edi.

«Real» bas bapker Habı Alonsony qyzmetinen bosatty

Madrıdtik klýb Holandty osy jazda-aq quramǵa qosýǵa kúsh salmaq. Qazirgi ýaqytta klýb fýtbolshynyń jaqyndarymen jáne onyń agenti Rafaela Pımentamen tikeleı baılanys ornatqan. Derekkózderdiń málimetinshe, Holandtyń ózi de Ispanııaǵa qyzyǵýshylyq tanytyp otyr jáne «Realǵa» aýysýdy óz mansabyndaǵy sheshýshi beles dep sanaıdy.

Chempıondar lıgasy: «Qaırat» óz alańynda madrıdtik «Realdan» jeńildi

Degenmen bul transferdi júzege asyrý úlken qıyndyqtarmen baılanysty. Erlıng Holandtyń «Manchester Sıtımen» qazirgi kelisimsharty 2034 jylǵa deıin jasalǵan, ári aǵylshyn klýbynyń basshylyǵy óz juldyzyn jiberýge nıetti emes.

«Qaırat» – «Real Madrıd» oıynyn tamashalaýǵa 5 myń sheteldik týrıst keldi

Erlıng Holand «Manchester Sıtı» sapyna 2022 jyldyń jazynda Dortmýndtyń «Borýssııasynan» 60 mln eýroǵa aýysqan bolatyn. Ol bıylǵy maýsymda ótkizgen 29 matchta 26 gol soǵyp, 4 nátıjeli pas berip úlgerdi.