Áskerı bólimniń komandıri polkovnık Jandar Áshirbekov qurmetti qonaqtardy brıgadanyń atqaratyn qyzmeti, mindetteri jáne ınfraqurylymdyq jaǵdaıymen tanystyrdy. Depýtattar nazaryna qoldanystaǵy áskerı tehnıkalar men qarý-jaraq kórmeleri usynyldy. Sondaı-aq komandır sarbazdardyń 2025 jyly jaýyngerlik qyzmet barysynda qol jetkizgen nátıjeleri jaıynda baıandady.
О́rt kezinde erlik tanytqan jigit Ulttyq ulan qataryna qosyldy
Halyq qalaýlylary sarbazdardyń áskerı kıimmen qamtylý deńgeıine jáne sapasyna basa nazar aýdardy. Jeke qurammen kezdesýde depýtattar Parlament qabyrǵasynda qolǵa alǵan zań jobalary jaıly aıtty.
- Byltyr áskerı qyzmetshilerge qatysty birneshe zań jobasyn qarastyrdyq. Mysaly, mekteptegi Alǵashqy áskerı daıyndyq pánin kúsheıtýge den qoıyldy. Bul áskerge baratyn jastardyń qyzyǵýshylyǵyn arttyrýdy kózdeıdi. Sondaı-aq eki jyldan beri jaýyngerler arasynda ózin kórsete bilgen sarbazdarǵa Bilim mınıstrligi arqyly jylyna 3 myńǵa jýyq oqý granty berilip keledi. Budan bólek bank aldynda bereshegi bar áskerge shaqyrylýshylar qyzmeti aıaqtalǵansha nesıe tóleýdi toqtata alady, - dedi depýtat Bolat Kerimbek.
Sonymen qatar depýtattar áskerı qyzmetshilerdiń talap-tilekterine qulaq asyp, aldaǵy josparlarymen bólisti.
Kezdesýge Almatydan ánshi Medeý Arynbaev arnaıy keldi. Ol depýtattardyń usynysymen áskerı qyzmetshilerge patrıottyq taqyryptaǵy ánderin oryndap berdi.
Aıta keteıik, ótken jyly 5573 áskerı bóliminiń sarbazdary jaýyngerlik qyzmet barysynda elorda kóshelerinen esirtkige qatysy bar 56 adamdy, densaýlyqqa qasaqana zııan tıgizgen 1 azamatty ustady jáne 3 urlyq faktisin anyqtady.
