Qazaqstan fýtzal quramasynyń tizginin Rıkardo Kamara Sobral, ıaǵnı Kakaý qolǵa aldy. 54 jastaǵy tájirıbeli maman qazaqstandyq jankúıerlerge jaqsy tanys. Ol 2013–2018 jyldar aralyǵynda ulttyq quramanyń bas bapkeri bolyp, komandamen birge aıtarlyqtaı jetistikterge qol jetkizgen.
Kakaýdyń jetekshiligimen Qazaqstan quramasy 2016 jylǵy Eýropa chempıonatynda qola júldege ıe bolyp, el fýtzaly tarıhyndaǵy mańyzdy nátıjege qol jetkizdi.
Keıingi jyldary ol Italııanyń "Napolı", Rýmynııanyń "Iýnaıted Galatı" klýbtarynda, sondaı-aq Kýveıt, Irak jáne Birikken Arab Ámirlikteriniń ulttyq quramalarynda jumys istedi.
Klýbtyq deńgeıde Kakaý almatylyq "Qaırat" komandasymen úlken tabysqa jetti. Onyń basshylyǵymen klýb 2013 jáne 2015 jyldary fýtzaldan ÝEFA Kýbogyn jeńip aldy. Sonymen qatar, Qazaqstan chempıonaty men el kýbogyn birneshe ret ıelendi.
