Atalǵan ortalyq qala ákimdiginiń, AQSh Elshiligi men AQSh-tyń Almatydaǵy Bas konsýldyǵynyń, sondaı-aq jergilikti seriktes uıymdardyń qoldaýymen esik ashyp otyr. Joba qala turǵyndarynyń bilim alý, shyǵarmashylyqpen aınalysý jáne zamanaýı tehnologııany meńgerý múmkindigin keńeıtýge, sondaı-aq halyqaralyq mádenı jáne bilim berý yntymaqtastyǵyn nyǵaıtýǵa baǵyttalǵan.
Jezqazǵanda Mádenıet úıiniń jóndeý jumystaryna 300 mln teńge bólindi
Saltanatty rásimge Mádenıet basqarmasynyń basshysy Danııar Álıev, Qazaqstan jazýshylar odaǵynyń tóraǵasy Mereke Qulkenov, AQSh-tyń Almatydaǵy Bas konsýly Mıshel Erkin, «Chevron International Petroleum Company» kompanııasynyń Vıse-prezıdenti Dılan Morgan, AQSh Bas konsýlynyń baspasóz, mádenıet jáne bilim jónindegi keńesshisi Hıra Kaýr Kambodj, sonymen qatar bilim berý jáne mádenıet uıymdarynyń ókilderi qatysty.
Is-shara barysynda Almaty qalasy Mádenıet basqarmasynyń basshysy Danııar Álıev óz quttyqtaý sózinde ortalyqtyń mańyzyn atap ótti:
«Kitaphana – úlken mádenı orta. Qazaqta «Kez kelgen eldiń bolashaǵyn bilý úshin onyń jastaryna qara» degen dana sóz bar. Jastardyń bilim alyp, shyǵarmashylyq jáne zııatkerlik turǵydan damýyna jol ashatyn osyndaı zamanaýı ortalyqtyń kitaphanada ashylýy mádenıet salasyn damytýdyń mańyzdy baǵyty sanalady. Bul bastama eki eldiń arasyndaǵy mádenı yntymaqtastyqty nyǵaıtyp, ózara túsinistik pen seriktestikti jańa deńgeıge kóteredi dep senemin» dedi Danııar Álıev.
«American Space & Makerspace» ortalyǵy – bilim men shyǵarmashylyqty, ınnovasııa men tájirıbeni ushtastyrǵan zamanaýı kópfýnksıonaldy alań. Munda AQSh ýnıversıtetterinde bilim alýǵa qyzyǵýshylyq tanytqan jastarǵa keńes berý, aǵylshyn tili kýrstary men sóıleý klýbtary, kásibı jáne sıfrlyq daǵdyny damytýǵa arnalǵan vorkshoptar, sondaı-aq kásipkerlik, kóshbasshylyq jáne azamattyq belsendilik baǵytyndaǵy baǵdarlamalar iske asyrylady.
Is-shara aıasynda AQSh-tyń Almatydaǵy Bas konsýly Mıshel Erkin quttyqtaý sóz sóılep, ortalyqtyń mańyzyna toqtaldy:
«American Space & Makerspace – adamdardy biriktiretin, bilim men ınnovasııa arqyly bolashaqqa jol ashatyn senim men seriktestik alańy. Biz bul keńistiktiń jergilikti qaýymdastyqtyń naqty qajettiligine jaýap berip, jastar úshin ashyq ári qoljetimdi bolyp qalýyn qamtamasyz etý maqsatynda qazaqstandyq seriktesterimizben birlese jumys isteýdi mańyzdy dep sanaımyz», dedi Mıshel Erkin.
2026 jyly qaıda baramyz? Týrızm mınıstrligi mádenı-týrıstik is-sharalar kúntizbesin jarııalady
Sonymen qatar ortalyqta 3D-basyp shyǵarý, dızaın, robototehnıka, baǵdarlamalaý, ǵylymı tájirıbeler men qoldanbaly shyǵarmashylyqqa arnalǵan zamanaýı quraldarmen jabdyqtalǵan Makerspace aımaǵy jáne amerıkalyq ádebıet buryshy qarastyrylǵan.
Jańa ortalyqtyń ashylýyna kitaphana oqyrmandary, ásirese jastar joǵary baǵa berdi. Bolashaqta AQSh-ta bilim alýdy maqsat etken Arýjan Mahanbetqalıeva áserin bólisti:
«Men úshin bul joba – úlken múmkindik. Munda AQSh ýnıversıtetterine túsýge qajetti aqparat alyp, aǵylshyn tilimdi jetildirip, ózimdi kásibı ári shyǵarmashylyq turǵydan damytýǵa bolady. Osyndaı keńistiktiń ashylǵany kóptegen stýdenttiń armanyn júzege asyrýǵa jol ashady dep oılaımyn», dedi Jambyl kitaphanasynyń turaqty oqyrmany Arýjan Mahanbetqalıeva.
Atalǵan joba qalalyq kitaphanalardyń ýaqyt talabyna saı jańǵyryp, kitap oqý oryndary ǵana emes, sonymen qatar bilim, mádenıet, ınnovasııa jáne halyqaralyq dıalogty damytatyn zamanaýı qoǵamdyq keńistikterge aınalyp kele jatqanyn aıqyn kórsetedi.
Sarandyq otbasy qalalyq Mádenıet úıin beıneleıtin toqash pisirdi
